quinta-feira, 4 de abril de 2013

Projetu Kama Ba HNGV “CAC Investiga Emilia Pires”

.

Jornal Nacional Diario - Kinta-Feira, 04 Abril 2013 

Ministra Finansas (MF), Emilia Pires, Kuarta (3/4), ba ona submete investigasaun iha Comisaun Anti Corupsaun (CAC) konaba alegasaun abuzu poder ho korupsaun iha projeitu kompras kama ba Hospital Nasional Guido valadares (HNGV). 

Iha projeitu ne’e, Ministra Finansas Emilia Pires, deskonfia aprova orsamentu ba nia kaben Warrem Mcleod, nudar diretor ba kompania Mac’s Metal Craft Lda, hodi sosa kama ba HNGV. Emilia Pires to’o iha edifisiu CAC iha Farol, Dili, tuku 9:00 Otl, ho kareta Toyota Rava ho numeru matrikula 00.006G, Emilia hasoru malu ho investigador CAC nian hodi submete ba investigasaun durante oras tolu nia laran (tuku 9:00-tuku 12:00 Otl). 

Hafoin investigasaun Ministra Emilia Pires, lakohi fo komentariu ba jornalista sira, tanba la hatan autorizasaun husi CAC atu fo informasaun ba publiku. 

“CAC dehan la bele fo sai iha publiku, ida ne’e sei segredu taka ba publiku, imi media sira mos tenki respeita lei, se hau kulia hau bele ba kadeia, hateten Emilia Pires, hodi husik hela Jornalista sira no la’o dadaun ba sa’e kareta. 

Antes atu halao prosesu investigasaun, Ministra ne’e husu ba ofisial sira iha CAC atu hasoru malu ho komisariu CAC Aderito de Jesus, maibe ofisial CAC sira esplika ba Emilia katak, bainhira atu hasoru malu ho komisariu CAC tenki liu husi regra, katak tenki halo apoitmentu. 

Konaba kazu ida ne’e, CAC mos bolu tiha ona diretor Jeral HNGV, Odete da Silva Viegas, hodi ba presta deklarasaun iha CAC. 

Odete informa ba CAC katak, iha duni buat ruma ne’ebe lalos akontese ba prosesu sosa kama ba HNGV, maibe, nia mos rekonhese katak, iha momentu neba nia duni mak asina no halo proposta atu sosa kama rua ho makina HEMODALISA ba HNGV.
,

Sem comentários:

Publicar um comentário

Nota: só um membro deste blogue pode publicar um comentário.