quinta-feira, 25 de abril de 2013

“Seidauk Tempo Governu Hala’o Miss Timor Leste”

.

Jornal Nacional Diario - Kinta-Feira, 25 Abril 2013 

Sosideade sivil sira kestiaona programa Ministeriu Turizmu ne’ebe atu organiza Miss Timor Leste iha tempu badak, basa tuir sira seidauk tempu atu hala’o programa Miss TL ne’e, liu-liu povo sei moris kiak barak. 

Sosieade sivil sira fo hanoin katak, importante liu maka atu kria uluk kondisaun Turizmu komunitariu iha rai laran hodi hadia no suporta ba kultura iha Distritu 13 hafoin hala’o Miss Timor Leste. 

 “Tuir ami nia haree Ministru Tiruzmu ho naran Miss Timor ne’ebe maka atu hala’o iha fulan Maio agora ne’e laos tempo para atu halo ida ne’e, maibe importante tenki haree lai ba nia kontiudu husi Miss Timor ne’e halo saida? 

Se dehan katak atu dada Turista mai Timor Leste, maibe tuir ami nia haree ida ne’e la importante ida. Importante mak ne’e, oinsa kria kondisaun Turismo komunitariu hanesan edukasaun, mentalidade ne’ebe diak, hahalok oin nain ou servi ema turista sira ba ita nia juventude sira, estudante no mos komunidade sira hotu para wainhira atende ema turista sira nia vizita iha fatin turizmu sira, sira mos bele sente konfortabel ou kontenti,” hateten Vice Diretor Asosiasaun HAK, Manuel Monteiro ba Jornalista, Kuarta (24/4), iha nia servisu fatin Farol, Dili. Vice Direitor HAK ne’e hatutan katak, tuir nia akompanamentu iha IV Governu konstitusional, liu husi MTCI, halao aktividade carnaval no hatais hena mini ne’e la edukativu, ne’ebe nia husu atu hala’o programa ida tenki tetu ninia benefisiu. 

“Aktividade Miss Timor ne’e nia benefisiu ne’e saida? no aktividade ne’e lori ema atu aprende saida husi ne’eba? Entaun nusa mak Governu la kria mak edukasaun ne’ebe diak hodi sobu mentalidade foin sa’e sira nian,” hateten Manuel. 

Relasiona ho kestaun ne’e, Ministro Turizmo, Francisco Kalbuady Lay, hateten, kona-ba aktividade Miss Timor Leste nian, nia parte seidauk iha tempu atu relata ba publiku, tanba nia ho Primeiru Ministru Xanana Gusmao Vizita rai Liur, no nia fila mak nia sei informa programa ne’e ba publiku atu labele konfudi tan.
,

Sem comentários:

Publicar um comentário

Nota: só um membro deste blogue pode publicar um comentário.