quarta-feira, 24 de abril de 2013

“TT Hatudu Aniceto Hatudu Provas”

.

Jornal Independente - Kuarta-Feira, 24 Abril 2013 

Kompania Timor Telekom (TT) sadik tan Deputadu Aniceto Guterres atu hatudu Staff TT nia naran ne’ebe print sai lista kontaktu entre Prizioneira Lucia Lobato no Prezidenti Tribunal Rekursu Claudio Ximenes. 

Antes ne’e, Deputadu Aniceto Guterres deklara pronto ba hetan iha Tribunal hodi hatudu provas ka evidensia ne’ebe nia hetan, bazeia ba lista numeru telefone ne’ebe rekoila, nia akuza Prezidenti Tribunal Rekursu Claudio Ximenes halo kontaktu direta ho kondenada Lucia Lobato. 

 Diretor Relasaun institusional Timor Telekom, Manuel Carseres da Costa hateten, TT fiar ba jentileza, jenerosidade no humanismu sadik deputadu Aniceto nuudar reprejetante povu nia iha uma fukun Timor Leste, justisa senior ida, liliu ativista direitus humanus iha tempu difisil sei komprende hodi fo sai lialos kona ba ema ne’ebe fo sai lista numeru telefone ne’e. 

“TT fiar ba jentileza, jenerosidade no humanismu deputadu Aniceto nudar reprejetante povu nia iha uma fukun TL, Justisa senior ida, liliu ativista direitus humanus iha tempo difisil ne’ebe ita liu ona, se komprende no sei fo sai lia los kona ba ema ne’ebe fo sai print out ba nia,” dehan Manuel ba Jornalista sira bainhira halo konferensia impresa iha Timor Plaza. 

Nia dehan, TT nu’udar empreza ne’ebe eziste kleur respeita no kaer metin prinsipiu ne’ebe konsgra iha artigo 36 konstituisaun RDTL kona ba privasidade ema nian. “TT komprende lolos no hala’o ninia prestasaun servisu ba kliente sira tuir saida maka dekreitu lei no.15/2012 kona ba regulamentu sector telekomunikasaun, liuliu ukun ne’ebe iha artigu 49 numero 1 to’o 7 koalia prestasaun informasaun no komunikasaun asinantes,” dehan nia. 

Bainhira deputadu Aniceto hatudu naran karik estaf TT nian, Diretor ne’e promete sei hasai nia estaff ne’ebe fo sai lista numero telefone ne’e. 

“Se ami simu prova (Bukti) husi deputadu Aniceto katak, estaf balun husi TT fo lista ba deputadu, hau promete atu hola medidas bazeia ba regras internal empreza nia, liuliu ba akordu de konfendialisidade staff sira iha sistema fakturasaun ne’ebe asina molok halo kna’ar,” tenik nia. 
,

Sem comentários:

Publicar um comentário

Nota: só um membro deste blogue pode publicar um comentário.