terça-feira, 28 de maio de 2013

“ADN Selu Sala Osan Miloens U$6”

.

Jornal Timor Post - Tersa-Feira, 28 Maiu 2013 

Azensia Dezenvolvimentu Nasional (ADN) rekunese selu sala osan total U$ miliaun 5 ba kompania ne’ebe kaer projeitu estrada husi Dilor ba Lakluta, Viqueque, tuir loloos, tenki selu osan ne’e ba kompania Golwei, ne’ebe manan konkursu halo estrada husi Wegia ba Lalini. 

“Ami ba deskobre tiha ona problema ne’e iha Distritu, IGE (Institute Gestaun Ekipamentus) mak kaer estrada Dilor ba Luka, ADN selu fali ba IGE, ne’e sala ona,” deputadu Inacio Moreira levanta kestaun ne’e iha plenaria PN, segunda (27/5). 

Nia dehan, ADN labele selu projeitu sira ne’ebe Ministeriu Obras Publiku (MOP) liu husi IGE halo, tanba, ne’e servisu governu nia rasik,” Exeptu, selu ba kompania privadu sira, ne’ebe kaer projeitu,” nia hatutan. Inacio mos dunida katak,” afinal ADN rasik mos lahatene kontas lista projeitu sira iha tinan 2012, failansu tekniku ne’e seriu tebes,” nia dehan tan. 

Mandatu ADN durante ne’e, hanesan liman loos Primeiru Ministru nian, atu halo kontrolu kualidade projeitu hotu iha rai laran, maibe, dala barak ADN laiha konesementu ba projeitu sira, tanba ADN tur deit iha fatin, ita deskbre problema, sira kaer uluk fali, ne’e mak problema booy,” Inacio esplika. 

Iha fatin hanesan, segnud Vice Prezidenti Parlamentu nasional (PN), Adriano do Nascimento reforsa tan, tuir lei konstituisaun garantia deputadu sira atu halo fiskalizasaun no desizaun politiku ba buat neebe mak governu la halo diak. “lei fo dalan ba deputadu sir abele husu enkeretu parlamentar ida atu bele husu responsablidade Governante sira,” dehan nia. 

Kona ba ADN ne’ebe halo pagamentu sala ba fali ekipamentu estadu (IGE), deputadu husi bancada PD ne’e rekomenda atu bele husu ba Komisaun Anti Korupsaun (KAK) halo investigasaun klean. 

Enkuantu, iha audensia ho komisaun E, Parlamentu Nasional Kinta foin lalais, ADN rasik rekonese problema tekniku iha terenu, ADN sei responsabliza par abele haree failansu ne’e atu bele buka solusaun. 

“Ami rekonese iha balun problema duni kona-ba deputadu sira foti kestaun, hanesan projeitu estrada balun,” Diretor ADN Samuel Marcal informa.
.

Sem comentários:

Publicar um comentário

Nota: só um membro deste blogue pode publicar um comentário.