sexta-feira, 17 de maio de 2013

Deve Osan Mina “LH Propoin PN Halo Fiskalizasaun”

.

Jornal Timor Post - Sesta-Feira, 17 Maiu 2013 

Sosieade sivil konsidera Ministru Saude Sergio Lobo inkapasidade iha jestaun, tanba ne’e, orsamentu Jeral estadu tinan 2013 foin Distribui iha fulan Fevereiru nia laran, realidade oras ne’e ospital Referal Suai sei deve hela mina husi komunidade ho total U$10 Mill. 

“Orsamentu tinan 2013 distribui ba MS iha fulna fevereiru nia laran, maibe ospital referral Suai sei deve mina husi komunidade $10 Mill, ne’e ami konsidera MS inkapasidade no situasaun ne’e grave duni, presiza tenki rejolve urzenti, tanba bele afeita ba pasiente no povu nia vida,” dehan Diretor ezekutivu Luta Hamutuk Mericio Akara ba Timor Post iha nia kna’ar fatin farol, Dili Kinta (16/5). 

Tuir observasaun LH, hatutan, problema ne’e la’os akontese iha Ospital referral suai deit, maibe mos akontese iha sentru saude distritu 12, realidade akontese iha Distritu Lospalos no Viqueque, pasiente balun mate tanba la iha mina iha sentru saude distritu hodi ambulansia tula pasiente mai ospital referral baucau. 

“Maske problema ne’e akontese kleur ona, maibe Ms nunka fo atensaun hodi rejolve problema ne’e, ida ne’e indikasaun forte katak, kazu kikoan MS ladun seriu rejolve, ikus main aha kontinua bohu hanesan akontese iha Distritu Suai deve komunidade nia mina to’o U$10 Miil, ami sujere ba PN tenki tun ba terenu halo investigasaun hodi nune’e hatene problema ne’e los ka lae,” dehan Akara. 

Durante ne’e, Akara dehan, Governu konsidera seitor saude no edukasaun sai nuudar seitor ne’ebe importante hodi dezenvolve rekursu umanu iha rai laran, maibe relevante tebes mak seitor saude, implementasaun teoria ho pratika diferente tebes, tamba MS koalia oinseluk implementa oin seluk fali.
,

Sem comentários:

Publicar um comentário

Nota: só um membro deste blogue pode publicar um comentário.