sexta-feira, 24 de maio de 2013

“Governu TL Hetan Lohi Husi Kompania Indonesia”

.

Jornal Independente - Sesta-feira, 24 Maiu 2013 

Governu Timor Leste liu husi Ministeriu Transporte no Komunikasaun (MTK) halo ona kontratu ho kompania Sagitarius husi Indonezia atu lori Ro Mandarin hudi subtitui Ro Nakroma, maibe to’o oras ne’e ro ne’e seidauk mai. 

Tuir kontratu ne’ebe asina ona iha Fulan abril liuba katak, depois semana ida asina kontratu Ro Mandarin sei atraka iha Portu Dili, maibe fulan ida ona mos ro sei seidauk hatudu nia paradeiru. Ne’e duni, governu sei bolu xamada atensaun ba kompania Sagitarius ne’ebe konsidera viola ona kontratu servisu ne’ebe asina hamutuk ona. 

Vise- Ministru Transporte no Komunikasaun, Flavio Cardoso neves hateten, governu bolu ona xamada ba kompania Sagitarius hodi hatene difikuldade saida mak sira hasoru dadaun ne’e. 

Tuir nia, kompania mos aseita ona atu hatama ro ne’e iha fulan Jullu, hodi nune’e bele lori Ro Nakroma ba halo manutensaun iha rai liur. 

Kona-ba estandarte Ro ne’ebe subtitui Ro Nakroma, Flavio dehan, presiza liu mak iha kondisaun seguru no estandarte hanesan Ro nakroma hodi bele halo Viazen, liu-liu fasilita pasajeiru ba Atauru no Oekusse. 
.

Sem comentários:

Publicar um comentário

Nota: só um membro deste blogue pode publicar um comentário.