sexta-feira, 17 de maio de 2013

“Investigasaun Ba Kazu “Balibo Five” Iha Perigu Tempu”

.

Jornal Independente - Sesta-Feira, 17 Maiu 2013 

Investigador sira iha Australia konsidera investigasaun kona-ba krime funu ba jornalista Australianu nain lima iha Timor Leste mosu iha perigu, tanba araska hetan xavi informasaun husi autoridade sira iha tasi sorin. 

Jornal Sydney Morning Herald publika foin dadauk ne’e katak, durante tinan tolu ikus Polisia Federal Australia investiga ona kazu oho Jornalista nain lima, Gary Cunningham, Brian Peters, Malcolm Rennie, Gregory Shackleton no Anthony Stewart iha Balibo 1975. 

Maibe, tuir korespondensia ne’ebe media Fairfax iha Australia haree no informasaun ne’ebe hato’o husi familia Gary Cunningham, Greig, katak investigasaun ne’e hanesan atu hasoru problema seriu. Fulan kotuk, AFP hakerek ba familia jornalista nain lima hodi aviza sira katak, ofisial sira sei buka hela atu asesu material husi Timor-leste ne’ebe karik relevante ba investigasaun. 

 “Estrutura tempu atu simu informasaun ida ne’e la hetan konesementu no sai husi kontrolu AFP no agensia Australianu sira seluk,” dehan Korespodensia husi Mick Turner, dehan AFP nia kordenador nasional ba referensia espesial. 

Foin dadauk ne’e, Porta Vos AFP ida dehan forsa sujere ona informasaun husi ajensia sira iha tasi sorin. Korespondensia maka’as Cunningham, ne’ebe dehan, nia rona iha sasin potensial ida ba akontesementu oho jornalista sira ne’e foin dadauk mate ona. 

Cunningham dehan nia hetan konfirmasaun katak, Timoroan ida ho idade 62 ne’ebe haree jornalista sira hetan oho, mate tiha ona. Iha 2007, reportazen ida husi Australia hateten Jornalista nain lima ne’e hetan oho husi Indonesia nia Forsa Espesial (Kopasus) ne’ebe involve iha envazaun ba Timor Leste.
.

Sem comentários:

Publicar um comentário

Nota: só um membro deste blogue pode publicar um comentário.