sexta-feira, 31 de maio de 2013

Julga Kazu Borlaco; “Sasin Rekuinese Apoiu Huis DJ”

.

Jornal Timor Post - Sesta-Feira, 31 Maiu 2013 

Tribunal Distrital Dili (TDD), KUarta (29/5) kontinua hala’o julgamentu ba arguidu Francisco da Costa Soares ‘Borlaco’ atual Sekretariu Estadu Fortalesementu Institusional (SEFI) no Arguindo Mariano Malik, Diretor Kompania Tiara Supay Lda, ne’ebe deskonfia komete iha krime abuzu de poder tuir artigu 297 kodigu penal Timor Leste no fraudia fiskal artigu 314 kodigu penal. 

Iha kontinuasaun julgamentu ne’e Tribunal kontinua rona sasin nain tolu ne’ebe Ministeriu Punliku (MP) aprezenta hanesan Manuel Monteiro, Agostinho Godinho no Agustinho dos Reis. 

 Sasin Manuel Monteiro eis Diretor Nasional Aprovizionamentu Ministeriu Financas periodu tinan 2009-2011 hateten, nia nomeasaun hanesan Diretor Nasionmal Aprovizionamentu iha loron 18 Maio 2009 no remata iha 17 Junho 2011, tan ne’e prosesu tenderizasaun kona ba prosesu sosa kaminota 3 ba Ministeriu Edukasaun nia lahatene ho razaun prosesu refere tama iha aprovizionamentu iha abril 2009, neebe nia seidauk nomeia ba Diretor Nacional Aprovizionamentu. 

Bainhira simu tiha mandatu foun iha maio 2009, maibe durante semana tolu nia labele halo serviso mesak no presija hand over ba servisu husi Diretor Jeral Financas Estadu mak arguidu Borlaco, atu nune’e bele fo konesemetnu ba nia nudar Diretor foun kona ba oinsa servisu aprovizionamentu nian, entaun durante semana tolu nia laran Diretor Jeral Financas Estadu MF Francisco Borlaco mak toma konta ba servisu aprovizionamentu nian. 

“Prosesu servisu ne’e ami halo tuir diploma ministerial numeru 1/2009/30 Abril no deklretu lei numeru 13/2009/30 Jullhu. Iha loron 8 Junhu 2009 mak hau asina prosesu pagamentu ho montante U$89.270,00,” deklara Manuel ba Tribunal. 

Sasin Agustinho Godinho nudar staf iha departementu Nasional Politika Ekonomia MF hateten, nia halo deit pagamentu ba envoice prosesu sosa kamioneta, maibe kona-ba prosesu hotu-hotu tenderizasaun ba kamioneta tolu ne’e nia laiha konesementu. 

Sasin Agostinho dos Reis hanesan ekipa avaliasaun ba iha prosesu tenderizasaun ne’e hateten, iha momentu ne’e iha kompania lima mak hatama rekerementu, ha’at la priense hotu criteria kompania ida mak prinese duni criteria. 

“Hafoin ami halo avaliasaun, ami halo relatoriu ba arguidu Francisco hanesan Diretor Aprovizionamentu iha MF atu bele aprova prosesu tenderizasaun,” deklara nia ba Tribunal. 

Entertantu, akuzasaun husi MP hasoru arguidu katak, iha loron 29 Agusto 2009, arguidu Francisco Borlaco aprova karta hodi sosa kareta kamioneta tolu ba Ministeriu Edukasaun atu fasilita programa merenda eskolar. 

Aprovasaun ne’e halo, bazeia ba proposta husi Ministeriu Edukasaun ba Diresaun Nasional servisu aprovizionamentu Ministeriu Finansas, hodi husu osan ho valor U$90.000,00 atu sosa kareta kameoneta tolu ba Ministeriu edukasaun. 

Husi Valor orsamentu ne’e, Ministeriu edukasaun desidi atu sosa kareta kameonota ida ho montante U$29.000,00 resin, maibe rezultadu hatudu oin seluk, katak invoce ne’ebe kompania Sinarias Lda haruka ba Ministeriu Edukasaun ho montante RP.150.000.000 kada kamineota ne’ebe sidnifika ba osan dollar provolta U$16,304,00,00. 

Signifika kareta folin ne’ebe Ministeriu Edukasaun sosa la tuir montante iha prosesu tender. 

Ho prosesu tender no ejekusaun projeitu kareta tolu ba ME ne’e bia rejultadu mak MP akuza arguidu Francisco Borlaco hanesan autor material ba krime abuzu de poder no arguidu Mariano malik nuudar autor ba krime fraudia fiskal ne’ebe previstu iha artigu 314 kodigu penal Timor Leste. 
.

Sem comentários:

Publicar um comentário

Nota: só um membro deste blogue pode publicar um comentário.