sexta-feira, 24 de maio de 2013

“Klinika Bairo Pite Dumina Ho Moras TBC”

.

Jornal Nacional Diario - Sesta-feira, 24 Maiu 2013 

Klinika Bairo Pite hahu husi tinan 1998 regista moras TBC sempre okupa pojisaun aas kompara ho moras sira seluk. Nain ba Klinika refere Dr. Daniel Murphy informa katak, hahu harii klinika ne’e, identifika 50% Timor oan hetan moras TBC. 

Husi 50% ne’e balun hetan ona tratamentu husi Klinika Bairo-Pite maibe balun to’o oras ne’e dadaun sei subar aan hela e la halo tratamentu ba sira nia moras. 

“To’o ohin loron moras ne’ebe dunimna iha klinika ida ne’e maka nafatin TBC, desde tinan 1998 TBC bele hateten 50%, balun ativu mai halo tratamentu, maibe balun lakohi mai halo tratamentu,” Dr. Daniel informa ba JNDiario iha nia serviso fatin Klinika Bairo-Pite, Kinta (23/5). 

 Tuir Daniel kuaze loro-loron klinika refere identifika pasiente moras TBC hamutuk nain hat ou bele mos too lima. Bazeia ba dadus tinan 2012 klinika refere registu moras TBC hamutuk nain atus tolu (300), maibe ba tinan 2013 seidauk iha data fiksu, tanba sei iha prosesu nia laran. 
.

Sem comentários:

Publicar um comentário

Nota: só um membro deste blogue pode publicar um comentário.