quinta-feira, 30 de maio de 2013

Konferensia Internasional Poder Lokal: “Dr. Mari Alkatiri: Sei Iha Duvida Implementa Munisipiu”

.

Notisia Husi TVTL - Kuarta-Kalan, 29 Maiu 2013 

Governu Realiza konferensia internasional kona ba desentralizasaun poder lokal iha Centro Convensoens Dili (CCD). 

Prosesu implementasaun sistema desentralizasaun poder lokal kontinua la’o, maibe tuir eis Primeiru Ministru Dr. Mari Alkatiri nu’udar orador iha konferensia internasional konaba desentralizasaun no poder lokal hateten katak, sei iha duvida ho implementasaun Munisipiu, liu-liu haree ba difesensia iha Governu sentral. 

“Ita koalia ba konstituisaun hau mos hola parte e hau mos apoiu prinsipiu desentralizasaun, ne’e la iha duvidas ba prinsipiu ida ne’e, laiha duvidas, konstituisaun mos difini praju, lei rasik aprova iha 2011, konstituisaun la dehan katak, desentralizasaun signifika katak ita atu hametin fila fali transforma Distritu ba munisipiu, ne’e konstituisaun la dehan, hau nia preokupasaun de’it mak ne’e, administrasaun sentral deit sei difesente, ita hotu hatene-ita hotu hatene, administrasaun sentral dezegrave, ita atu bosok malu halo saida, ita komesa koalia desentralizasaun, Lautem oan ba Lautem, Wekuse oan ba Wekuse, hotu-hotu ba iha ninia Distritu, Dili hela mamuk, saida mak hela ba Administrasaun sentral,” dehan Mari Alkatiri. 

 Maibe eis Prezidenti Munisipiu Kavo verde hateten, Timor Leste faze diak ida atu implementa sistema desentralizasuan poder lokal hodi bele atinji kriasaun munisipiu. Entertantu Sekretariu Estadu Desentralizasaun Administrativa afirma katak, Timor Leste iha rekursus humanus naton atu implementa sistema ida ne’e. 

“Ita tenki iha mehi boot, dehan katak ita rasik tenki fiar malu, ita rasik tenki fo konfiansa ba malu, hau fo ezemplu mak 26 partidus ne’e sei iha lideransa, iha kuadrus, tamba sa mak laiha lideransa, agora lideransa ne’ebe ba atu halo servisu ne’e, lideransa fo kapasidade depois munisipiu ne’e eleisoens, povu tenki hili ema ne’ebe diak, tamba sa mak ita tenki tau lideransa,” dehan Thomas Cabral. 

Partisia iha konferensia internasional ne’e, delegasaun husi Australia, Indoensia no nasaun membru CPLP hodi fahe informasaun kona ba esperensia implementasaun munisipius iha sira nia rain.
.

Sem comentários:

Publicar um comentário

Nota: só um membro deste blogue pode publicar um comentário.