quarta-feira, 22 de maio de 2013

La Konkorda Importa Mina “FRETILIN-PD Husu Governu Aselera Projetu Refinaria”

.

Jornal Timor Post - Kuarta-feira, 22 Maiu 2013 

Deputadu husi Bancada FRETILIN ho Bancada Partidu Demokratiku (PD) la konkorda Politika Ministeriu Rekursu Minerais ho Kompania Timor Gap haruka kompania ida husi Indonezia importa kombustivel Petronax husi malazia. 

“Hau hateten ba sira nusa mak la halo kontratu entre estadu ho estadu (Malazia ho Timor Leste) hodi importa mina mai, atu nune’e presu bele ki’ik, maibe halo kontratu liu fali husi kompania lokal, ida ne’e Timor Gap iha intensaun atu buka lukru deit,” Deputadu Inacio Moreira husi bancada FRETILIN ba jornalista sira hafoin plenaria, Parlamentu nasional, Tersa (21/5). 

Aleinde ne’e, nia kestiaona akordu Timor Gap EP ho PT Isar Multi guma (IMG) husi Malazia, halo konstrusaun Terminal kombustivel iha parte Tasi ibun Hera, Dili inklui iha Distritu 13, konsidera ho interese individu balun ne’ebe hakarak buka lukru. 

“Hau husu tanba saida mak ita preokupa fali ba konstrusaun estasaun kombustivel, ne’e hau hanoin iha individu balun iha laran mak iha interese atu buka lukru, laos ba interese nasional,” nia duvida. 

Iha fatin hanesan, Deputada Jacinta Abu Cau Pereira husi Bancada PD hatutan, Politika governu tenki hahu ona projeitu refenaria iha tasi mane, nune’e Timor mos bele explora rasik nia mina iha rai laran. 

“It labele importa beibeik mina husi rai liur mai, tamba ita iha mina, depois politika governu importa mina mai ne’e ita gasta osan barak ba mina husi rai liur ne’ebe ho folin karun tebes,” tenki Deputada Jacinta. 

Maske ita menus rekursu umanu, maibe pelumenus ukun an tinan 11 ona, Timor tenki produs rasik mina, tanba nasaun Timor riku ho mina, maibe ita rasik kontinua importa mina husi rai liur. 
,

Sem comentários:

Publicar um comentário

Nota: só um membro deste blogue pode publicar um comentário.