quarta-feira, 22 de maio de 2013

“La Sama Aseita Lucia Halo Tratamentu Iha Rai Liur”

.

Jornal Independente - Kuarta-feira, 22 Maiu 2013 

Vise Primeiru Ministru (PM) Fernando La Sama de Araujo deklara, Prizioneira Lucia Lobato nu’udar sidadaun Timor Leste iha direitu atu ba halo tratamentu saude iha estranjeiru. 

Legalmente, La Sama dehan, bainhira halo ona testu mediku katak problema ekipamentus mediku ospital rai laran nia la premiti atu halo tratamentu ba pasiente, posiblidade bele ba liur. 

“Hau hanoin ne’e Probelam Tribunal, problema mediku ospital nian, se haree katak presiza ba halo tratamentu iha liur, nia (Lucia) hanesan sidadaun ida, eis Ministra ida, iha direitu atu ba halo tratamentu,” hateten Vice PM, segunda iha Palasiu prezidneti, Aitarak Laran, Dili. 

Antes ne’e, Advogado Jose Pedro Camoes hateten, iha posiblidade ba nia kliente Prizioneria Lucia Lobato hala’o tratamentu saude iha rai liur wainhira moras antigu kontinua mosu bei-beik. Prizioneira Lucia Lobato iha semana hirak liu ba hamamuk provizoriu Prijaun Gleno-Ermera hodi halo tratamentu ba nia moras tensaun ne’ebe sa’e ba 177,90 no antes ne’e nia tensaun to’o de’it 150,90. 

Lucia Lobato to’o iha ospital Nasional iha oras tuku 14:00 lorokraik, akompania husi nia advogadu Jose Pedro camoes, responsible klinika prijaun Gleno ho nia familia sira. Responsavel klinika prijaun Gleno, Ermera Margarida de sena esplika, iha Kinta feira Santa (Paskua), Prizioneira Lucia Lobato ba konsluta iha Klinika Prijaun Gleno, nia tensaun maka altu oituan. 

Iha tempu ne’eba nia tensaun sa’e ba 150,90 moras ne’e Prizioneira Lucia sofre mak hasai bee iha nia pulmaun. Maski nune’e, to’o Norisia ne’e publika ohin, seidauk klarifika data ba Lucia atu halo tratamentu iha rai liur. 
.

Sem comentários:

Publicar um comentário

Nota: só um membro deste blogue pode publicar um comentário.