sexta-feira, 31 de maio de 2013

La Sama Husu “Polisia ‘Sama’ Joven Nakar”

.

Jornal Timor Post - Sesta-Feira, 31 Maiu 2013 

Vice Primeiru Ministru, Fernando La Sama de Araujo, husu ba Polisia atu sama joventude ne’ebe nakar hodi halo komunidade sira la hakmatek. 

“Gosta halo problema komunidade sira la hakmatek, Polisia kaer selok monu ba rai, kuandu la monu ba rai, F-FDTL tun ba selok halo monu no sama tan,” afirma La-Sama ba Jornalista sira, Kinta (29/5), hafoin partisipa serimonia lansamentu kursu promosaun ofesial Superior, iha Kuartel jeneral F-FDTL, 

Fatuhada-Dili, relasiona ho Joventude balun ne’ebe sei kontinua halo konfrontu iha fati-fatin, liu-liu iha kapital Dili. 

La-Sama sublina, joventude tenki hadomi ninia an, hadomi ninia rain, no mos hadomi ninia familia, nia dehan, kuandu juventude sira kontinua halo problema polisia tenki sama duni tun ba rai, tanba ne’e husu ba joventude sira atu uza tempu didiak hodi aprende buat ruma, atu nune’e bele prepara aan iha futuru, hodi troka jerasaun tuan sira, futuru sei rahun wainhira lakohi aproveita agora no kotinua halo problema. 

 Entertantu, Primeiru Ministru Xanana Gusmao, ameasa grupu illegal ne’ebe sempre halo kobransa illegal ba komunidade sira iha area Comoro, atu hapara aktividade ne’e no la bele kontinua tan. “Hau dala barak tempu kalan liu ho taxi, sempre haree imi ameasa ema hodi hadau ema nia sasan, kuandu hau hare tan hau sei kaer imi depois mak hau dulas,” hateten Xanana, Kinta, (30/5) wainhira partisipa serimonia inagurasaun Ponte Comoro II. 

 “Agora ita hamriik mesak ona, iha ita nia nasaun UN la iha ona, ne’eduni kuandu imi halo beibeik akrividade ameasa ema, hau dulas imi la iha ema ida mak hakilar, hau hakarak koalia agora ‘to the point’ deit, ba los mai los,” afirma PM Xanana. 

 Iha oportunidade ne’e, Xanana husu ba autoridade lokal sira atu koalia ba komunidade sira ne’ebe mak to’o oras ne’e seidauk kalma ne’e atu para ona ho hahalok at sira ne’e, tanba nasaun atu lao ba oin presiza ema hotu nia kontribuisaun no kolaborasaun diak. 

“Se la’e ita mak nune’e nafatin, ita nunka lao ba oin, ne’e duni hau husu ba komunidade sira Suco Komoro atu partisipa diak liu tan ba dezenvolvimentu nasaun ida ne’e diak liu tan. 
.

Sem comentários:

Publicar um comentário

Nota: só um membro deste blogue pode publicar um comentário.