terça-feira, 28 de maio de 2013

“Lere Hili Halo Manutensaun Ro Naval Iha Xina”

.

Jornal Independente - Tersa-Feira, 28 Maiu 2013 

Governu identifika ona nasaun tolu hanesan Australia, Xina no Japaun atu halo manutensaun bar o Falintil-Forsa Defesa Timor Leste (F-FDTL) nian, maibe, komandante Jeral F-FDTL, Major jeneral Lere Anan Timur prefere liu atu halo manutensaun iha Xina. 

“Hau prefere liu mak nasaun xina, tanba ro ne’e sira nian,” dehan Lere, iha Kuartel Jeral F-FDTL, Fatuhada (27/5). 

Nia hatutan, kona ba kompania seluk mak manan mos sira sei husu material husi xina, tanba ro ne’e husi nasaun xina nian, tanba ne’e mak nia hakarak mompania husi xina mak bele kaer. 
 .
Nia hatutan tan katak, oras ne’e dadauk governu fo ona tenderizasaun ba kompania tolu ne’e maibe seidauk iha data fiksu hodi halo manutensaun bar o sira ne’e. 

Nune’e mos, Governu Republika Popular Xina sei oferese tan roa rua ba F-FDTL atu uz aba operasaun. 

Jeneral Lere hateten, tuir akordu ne’ebe mak governu iha ho xina, tinan oin governu sei oferese tan ro rua mai TL. 

 “Hau atu la simu mos la bele, ema fo ne’e ita tenke simu,” dehan nia. 

Maibe, halo nusa mak dezaraska mak preve portu iha Distritu oekusse atu bele tau ro rua ne’e iha ne’eba, maski nune’e maijen Lere seidauk hatene mekanizmu atu lori mai TL. 

“Ita lahatene aban bainrua ro rua ne’ebe Xina fo ne’e atu lori ba Oekusse ka halo nusa, depois mak ita sei hare maibe ema fo ne’e ita tenke simu,” hatete Lere. 

Nia hatutan, informasaun ne’e Governu mos simu ona, tanba governu mak envolve direta iha prosesu ne’e, to’o agora governu xina fo ona ro hamutuk 5, tanba antes ne’e governu xina fo uluk ona ro hamutuk 3 mai TL. Neebe oras ne’e la halo operasaun tanba aat.
.

Sem comentários:

Publicar um comentário

Nota: só um membro deste blogue pode publicar um comentário.