quarta-feira, 22 de maio de 2013

“Loron Boot 20 de Maiu FRETILIN Komemora Ho Duasaun Ran”

.

Notisia Husi TVTL - Tersa-Kalan, 21 Maiu 2013 

Partidu Libertador FRETILIN hala’o duasaun ran iha selebrasaun restaurasaun 20 de maiu tina ida ne’e iha Jardim Herois Metinaru, Dili. Duasaun ran ne’e hala’o iha Jardim Metinatu Dili hanesan asaun slidaridade hodi fo kontribui ran ba Ospital Nasional Guido Valadares, Dili. 

FRETILIN uluk fakar ran ba luta independensia povu no nasaun, agora FRETILIN fakar ran ba salvasaun no ba sidadaun ne’ebe prsija ran. 

Prezidenti Partidu FRETILIN Francisco Guterres Lu-Olo hateten katak, duasaun ran ne’e importante tamba hodi oferese ba ospital ba sidadaun ne’ebe presiza ran. 

“Loron 20 de Maiu ne’e mos hanesan loron istoriku FRETILIN nian, loron ida ne’ebe ASDT moris iha 1974 hodi fila an ba FRETILIN, portantu militante sira, kuadru sira ami halibur malu iha ne’e hodi halo komemorasaun ba loron espesial hanesan ASDT nian no komemora mos loron 20 de Maiu nian hamutuk ho militante sira iha fatin ida ne’e, liu-liu atu fo kontiudu valor 20 de maiu nian e loron 20 demaiu ASDT no 20 de Maiu restaurasaun nian katak loron ida ne’e ita nia maluk barak liu sakrifika sira nia vida atu restaura fila fali independensia, tamba ne’e mak ami lori aifunan no lilin ba iha Jaridm dos Herois hodi fo hanoin fila fali katak, restaurasaun independensia ne’e liu husi dalan naruk ida ba hetan independensia,” dehan Lu-Olo. 

Entertantu, Deputadu Aniceto Guterres informak katak, duasaun ran hanesan solidaridade ba ospital hodi fo ajuda ba sidadaun ne’ebe preisza ran iha Ospital. 

“Ita hatene agora iha ospital mos ran menus, aproveita komemorasaun loron istoriku independensia, loron ASDT ba FRETILIN, ba militante sira halo nia asaun social ida hodi fo kontribuisaun ran ba ita nia maluk sira ne’ebe presiza ran,” dehan Aniceto. 

Aleinde duasaun ran, membrus Comite Central da FRETILIN (CCF) hamutuk ho Prezidenti Partidu FRETILIN kari aifunan iha Jardim dos Herois Metinaru, Dili hodi fo Honra ba sira ne’ebe mate ba luta ukun rasik an. 
,

Sem comentários:

Publicar um comentário

Nota: só um membro deste blogue pode publicar um comentário.