quarta-feira, 29 de maio de 2013

“Negosiante Hetan Mate isin Ida Iha Merkadu Taibesi”

.

Jornal Timor Post - Kuarta-Feira, 29 Maiu 2013 

Negosiante sira iha Merkadu taibesi, Domingu (26/5) kalan hetan mate isin joven ida ho motor latan hela iha merkadu laran. Matebian ne’e identifika ho naran Mariano dos Santos da Cruz husi Distritu Bobonaro, idade maizumenus 27 anos. 

Komandante servisu investigasaun kriminal (SIK) Superintendenti Calistro Gonzaga hatete, iha Domingu Madrogada komunidade sira ne’ebe ba halo atividade negosiu iha Merkadu Taibesi mak informa ba polisia katak, sira hetan mate isin joven mane ida mate iha merkadu laran. 

“Ita to’o halo izame esternu ba mate isin ne’e ita la hetan buat ruma, iha kanek koris oituan mais tuir ita nia haree, ne’e la bele halo nia mate,” hateten Calistro ba Jornalista sira iha Kuartel jeral PNTL Kaikoli, Dili (28/5). 

Polisia lori kedas mate isin ne’e ba iha Motuariu Ospital nasional Guido Valadares (ONGV), tuir planu segunda horseik sei halao autopsia ba mate isin ne’e. 

 “Hau seidauk hatene saida mak akontese ba nia maibe testu esternu laiha buat ida,” hateten Calistro. 

Nia dehan, rejultadu autopsia mak foin bele hatene kauza saida mak halo nia mate, depois ma sei submete ba prosesu, to’o oras ne’e polisia seidauk identifika suspeitu ruma ba kazu ne’e.
,

Sem comentários:

Publicar um comentário

Nota: só um membro deste blogue pode publicar um comentário.