quinta-feira, 30 de maio de 2013

“Orsamentu PDS La Kondis Ho Realidade”

.

Jornal Timor Post - Kuarta-Feira, 29 Maiu 2013 

Tuir Analiza liu husi monitorin Sosieade sivil, nota katak alokasaun orsamentu durante tinan 2011-2013 la tuir planu no kondisaun real iha dezenvolvimentu suku (PDS). 

Tamba realidade to’o oras ne’e povu sei kontinua halerik ba infraestrutura baziku hanesan bee mos, eletrisidade, estrada, maske governu gasta investe osan barak, ida ne’e hatudu katak alokasaun orsamentu larefleta ba planu dezenvolvimentu suku,” dehan Diretur ezekutivu Luta Hamutuk (LH) Mericio Akara ba Jornalista sira iha Konferensia imprensa (28/5). A

kara hateten, hare ba alokasaun orsamentu ba Distritu Dili, Luta Hamutuk analiza katak, iha tinan tolu nia laran alokasaun orsamentu ba Distritu Dili la refleta kondisaun lina distribuisaun ne’ebe a’at, haree ba alokasaun hirak ne’e, Luta Hamutuk analiza katak, politika orsamentu seidauk bele kontribui hodi rejolve problema infraestrutura baziku iha kapital Dili. 

 “Iha Nivel politika annual ho intensaun atu rejolve problema hirak iha leten liu husi politika orsamentu Governu nian, iha tinan 2011 Governu muda jestaun infraestrutura ba iha Ajensia Dezenvlvimentu Nasional (ADN), maibe to’o oras ne’e realidade laiha, povu sei kontinua preokupa ba infraestrutura baziku,” esplika Akara. 

Entertantu, iha Parlamentu nasional, deputadu kestiaona maka’as sobre infraestrutura baziku ne’ebe to’o oras ne’e povu barak seidauk bele asesu, tamba sira husu governu tau interese ba kestaun ne’e, para labele difikulta povu.
.

Sem comentários:

Publicar um comentário

Nota: só um membro deste blogue pode publicar um comentário.