segunda-feira, 27 de maio de 2013

PM Xanana: “Governu Boot Tenki Iha Koordenasaun Servisu”

.

Jornal Nacional Diario - Segunda-feira, 27 Maiu 2013

Primeiru Ministru (PM) Kay Rala Xanana Gusmao hateten katak, V Governu ida ne’e boot tebe-tebes, maibe presiza iha lina koordenasaun servisu ne’ebe diak, entre membru goevernu sira.

“Ohin loron mos kala ita boot sira rona, tanba sa mak governu ida ne’e ara boot, ida boot tebe-tebes, ida ne’e tanba iha nesesidade, i hau husu iha publiku nia oin, ba membru governu sira atu hatur didiak buat sira ne’e, tenki iha kordenasaun didiak, iha ministeriu sira nia laran, la’e ita la ukun,” afirma Gusmao, iha sosializasaun programa poder lokal, iha centro Convensaun Dili, sabadu (25/5). Xefi Governu ne’e afirma katak, maske mai husi partidu ne’ebe la hanesan maibe, kuandu tama ona iha governu presiza iha kordenasaun diak.

“Ida ne’e ita hotu hanoin katak ita servisu diak, ita envolve an iha partidu ida it abele sai ona membru do governu ou membru parlamentu, iha funsionamentu, hahu husi partidu ida, membru governu sira ne’e partidu seluk, ita selok malu fali,” tenik Xanana.

Tuir Xanana Gusmao iha sentral deit, selok malu ona hanesan ne’e, iha kraik sei seluk malu at liu tan, envez atu hakbesik estadu ba populasaun atu hatene diak liu tan, maibe dezentendementu mak impede tiha hanoin sira ne’e hotu.

Xanana sublinha katak, hanesan xefe Governu, nia tenki bolu atensaun ba problema administrasaun no jestaun, tanba ida ne’e fundamental. “hau fiar katak, se ita lakon tiha konfiansa iha ita nia sosieade, hau fiar tebe-tebes katak, aei la iha ema ida atu ba kaer governu,” Xanana koalia.

Xanana dehan tan, se Timor-oan la muda an, falta de etika, falta de profesionalismu, governu se deit, husi partidu ne’ebe deit, mak ba kaer governu sei la lao ba oin nafatin.
.

Sem comentários:

Publicar um comentário

Nota: só um membro deste blogue pode publicar um comentário.