terça-feira, 21 de maio de 2013

“Portal Transparensia Governu La Vale”

.

Jornal Independente - Tersa-Feira, 21 Maiu 2013

Portal transparensia ne’ebe Governu kria no lansa iha tinan 2011 hodi dezamina informasaun ba povu la vale tanba realidade iha komunidade sira iha Nivel Distritu laiha konesementu ba Portal ne’e.

Realidade ne’e organizasaun Naun-Govermental (ONG) Luta Hamutuk (LH) identifika liu husi avaliasaun ne’ebe halo ho maneira intervista ho autoridade lokal, komunidade, juventude, no organizasaun feto, iha Distritu Lautem, Baucau, Dili, Aileu, Ermera, Bononaro no Likisa. Ida ne’e akontese tanba komunidade sira la iha meus hodi bele asesu Portal transparensia.

“Durante ne’e sira la hatene tuir saida mak portal Transparansia, sira la hatene informasaun sobre portal Transparancia ne’e rasik,” dehan Director LH Mericio Akara banhira lansa relatoriu avaliasaun iha edifisiu LH, foin lalais ne’e.

Portal Transparancia (www.transparency.gov.tl) hanesan adoptasaun ba prinsipiu internasional kona-ba Extrative Industry Transparency Initiative (EITI) no hanesan maneira hodi konkritiza komitmentu governu atu promove transparansia no akuntabilidade ba publiku liu husi orsamentu jeral estadu.

Mericio dehan, entidade kuaze porsentu 95 kestiaona portal ne’e tanba seidauk kumpriende, inklui la asesu, no seidauk iha kapasidade finanseiru hodi buka informasaun. Situs Portal Transparansia ne’e la kondis ho realidade loloos mak komunidade no autoridade lokal sira iha enfrenta,” dehan nia.

Kona-ba asuntu EITI, Mericio dehan, deziminasaun relatoriu EITI ne’ebe Governu Produz no divulga durante ne’e seiduak maximu tuir expektativa ema hotu nian. Jornal Independente Tersa-Feira, 21 Maiu 2013 “SES Francisco Ameasa Hasai Kadetes Foun PNTL” Sekretariu Estadu Seguransa (SES) Francisco Guterres husu ba kadetes foun Polisia Nasional Timor Leste (PNTL) atu labele eziji bei-beik tanba sei iha ema barak mak hakarak sai polisia.

Kadetes foun PNTL sira husu atu SES fo informasaun klaru kona-ba bainhira loos mak sira bele ba tuir formasaun. SES Francisco dehan kadetes foun ba segundu faze sei hahu tama hodi tuir informasaun iha loron 25 fulan ne’e.

 “Se eziji beibeik, hau sei hasai tiha sira, tamba sei iha ema barak mak hakarak tama polisia,” hateten Francisco iha palasiu Prezidenti (20/5).
,

Sem comentários:

Publicar um comentário

Nota: só um membro deste blogue pode publicar um comentário.