sexta-feira, 24 de maio de 2013

“PR Taur Hakarak Re-ativa Justisa Tradisional”

.

Jornal Independente - Kinta-feira, 23 Maiu 2013 

Prezidenti Republika Taur Matan Ruak hakarak hamoris fali (re-ativa) justisa tradisional ne’ebe uluk bei-ala sira rai hela, tanba justisa formal sei la rejolve hotu kazu sivil sira seluk. 

PR Taur fo hanoin ba governu atu loke fali justisa tradisional ne’e hodi sai tipu laternativu ida atu ajuda Tribunal hodi rejolve problema kiik sira ne’ebe loloos lider lokal sir abele rejolve. 

Antes ne’e, Prezidente Taur preokupa tebes prosesu justisa ne’ebe tuir xefe estadu ne’e katak, la dun la’o diak no neneik liu, Taur mos husu ona opiniaun ka ideias eis Prokuradora jeral Ana Pessoa Pinto nia hanoin oinsa bele rejolve kestaun ne’e. 

“Prezidenti mos fo hanoin ona oinsa haree ba justisa tradisional, agora prepara dadaun ona, maibe ita sei haree se ita bele hetan konsensu ida hamutuk kona ba justisa tradisional ne’e,” hateten Ministru Justisa Dionisio Babo, hafoin hasoru malu ho PR Aitarak-Laran, Dili (22/5). 

 Husi hanoin PR Taur ne’e, iha tempu badak Ministeriu Justisa sei hamosu esbosu lei depois halao konsultasaun ba sosiedade, povu, lider politiku sira. Kazu social, Babo fo ezemplo hanesan fahi tama to’os ka ema hakat tama liu baliza, tenke rejolve tuir lei tradisional deit liu husi lider komunitariu sira, la presiza tenki lori ba Tribunal. 

Antes ne’e Primeiru Ministru kay Rala Xanana Gusmao hato’o mos kestaun justisa tradisional ba Prezidenti Republika nune’e tau idea hamutuk atu reativa justisa tradisional, nune’e la bele lori malu too iha Tribunal. Iha inkontru ne’e, PR mos fo hanoin ba Ministeriu Justisa atu haree mos lei rai nian ne’ebe mak agora dadaun iha ona meja konsellu Ministru. 
,

Sem comentários:

Publicar um comentário

Nota: só um membro deste blogue pode publicar um comentário.