sexta-feira, 24 de maio de 2013

Projeitu 50% Laiha Kualidade: “Parlamentu Husu Responsablidade Governu”

,

Jornal Timor Post - Sesta-feira, 24 Maiu 2013 

Baseia ba Artigu 92, husi konstituisaun RDTL, Parlamentu Nasional Timor Leste hanesan oragun soberania ida ne’ebe ‘reprejentativu husi sidadaun Timoroan hotu ho kbi’it lejislativus, ba fiskalizasaun no ba desizaun politika’. 

“Se hetan rejultadu fiskalizasaun mak liu pursentu lima nolu (50%), projeitu sira la iha kualidade, hau hanoin parlamentu iha ninia dever atu bele husu inkeretu parlamentar ida ba governu par abele toma responsablidade,” deputadu Inacio Moreira membru Komisaun E ba Jornalista sira iha uma fukun, Kinta (23/5). 

Nia dehan, Komisaun E hala’o fiskalizasaun foin ba Distritu Oecusse, Bobonaro, Ermera, Viqeuque, no Covalima, rejultadu iha Viqueque nota, projeitu emerjensia 35 ne’ebe halo pagamentu hotu ona ba kompania sira maibe fizikamente laiha i rejultadu la benefisiu ba populasaun. 

Tan ne’e, nia dehan, Parlamentu nasional rekomenda ba Komisaun Anti Korupsaun (KAK) atu halo investigasaun klean ba kompania tamba projeitu mosu hanesan mate klamar. 

Deputadu Inacio Moreira husi bancada FRETILIN hatutan katak, projeitu emerjensia hamutuk 35 ne’e despaisu husi Primeiru Ministru liu husi Ministeriu Obras Publiku iha 2012 ne’ebe fob a kompania sira hodi halao, maibe laiha benefisiu ba povu. 

Nia dehan, bainhira husu administrador Distritu Viqueque ho Obras Publiku sira laiha konesementu. 

Nune’e mos iha Distritu Civalima, projeitu emerjensia halo baleta kuaze besik kilometru tolu iha aldeia Sucabi-laran, Suco Suai loro, sub-Distritu Suai Vila, la iha kualidade tanba nakfera ona, i baleta husi estrada sorin kompania abandona hela. 

 Tuir ADN Covalima, Vidal Amaral esplika, projeitu emerjensia espesial ba 100 dias ne’e kaer husi kompania Toli Tane iha 2012 tanba rekomenda husi sekretariu Estadu Obras publiku, Gastao Vas Rodrigues ho osan montante kuaze U$ 200 mil ital, maibe to’o agora seidauk halo pagamentu. Nune’e mos projeitu emerjensia konstrusaun ponte ida iha aldeia Talo-oan Suco Debus ne’ebe kaer husi kompania Atason pagamentu remata ona, maibe agora fiskalizasaun ponte tohar ona, projeitu konstrusaun ponte Taroman iha fatululi, ne’ebe kaer husi kompania ENSUL, halo konstrusaun besik tinan ona, oras ne’e sei abandona hela, ho razaun material tarde. 

Akontese hanesan iha Sub Distritu Zumalai, populasaun sira iha suku fatuleto, Ucecai, no Suco Lour, observa, komunidade sira hada masa jerguen iha torneira hun maibe bee la sai, i komunidade sira ba kuru iha mota laran, maske projeitu dada bee mos ne’e finaliza tiha ona. 

Kona-ba estrada iha 2011, Ministeriu infraestrutura hasai osan montante U$4 miloens hodi halo estrada husi suco Oeleu, Distrito Bonoaro to’o Sub Distritu Tiliomar, Distritu Covalima. Realidade saida mak agora akontese, kompania marabia ne’ebe halo konstrusaun estrada refere hahu husi suco Oeleu ba to’o suco tapo deit (kuaze 3 KM) i husi suku Tapo to’o Tilomar kompania abandona total.
.

Sem comentários:

Publicar um comentário

Nota: só um membro deste blogue pode publicar um comentário.