terça-feira, 28 de maio de 2013

“Seitor Privadu Tane Liman”

.

Jornal Timor Post - Tersa-Feira, 28 Maiu 2013 

Vice Ministru Komersiu, Industria i Meiu Ambiente (MKIA), Abel Ximenes Larisina hateten, iha Timor Leste, iha seitr tolu mak haesan seitor publiku, seitor privadu no seitor koperativa, maibe seitor privadu tane liman demais ba governu. 

Larisina dehan, nia louva seitor koperativa, tanba durante ne’e fo kontribuisaun diak tebes ba dezenvolvimentu nasional liu husi sira nia esforsu rasik, no fo sinal diak tebes ba nasaun. 

“Koperativa susar, maibe la halo asaun tu’un sa’e,” hateten Larisina iha nia intervensaun wainhira partisipa iha asembleia Jeral koperativa tau Fini ba Futuru (CTFF), Domingu (25/5), iha Eskola Xina, Bairo Grilos, Dili. 

Larisina hateten, iha governu anterior koalia barak kona ba seitor koperativa maibe asaun laiha, afinal nia hatutan, seitor koperativa nudar seitor ida ne’ebe hala’o kna’ar sein depende ba governu aspetu lei. 

Tamba ne’e, Larisina afirma, iha nia mandatu sei la so’e tempu barak atu koalia de’it, maibe sei prepara lei koperativa ida ne’e, espesial tuir karakter Timor nian ho prinsipiu universal tuir Aliansa Koperativa Internasional. 

“Ita hakarak koperativa laos anak tiri, maibe mos laos anak mas, maibe iha dignidade,” sublina Larisina. Entertantu, antes ne’e, reprejetante povu iha uma fukun Parlamentu Nasional, Sosieade sivil, no Primeiru Ministru xanana Gusmao rasik, mos kestiaona maka’as kualidade servisu kompania sira nian. 

Tamba haree ba problema soi-oin ne’ebe mosu iha seitor privadu, Xanana iha nia konslutasuan kamara Munisipiu iha Distritu Dili, hateten, kompania sira tenki servisu hamutuk no iha komparasaun diak ho governu. Xanana husu atu kompania sira labele hadau malu deit projeitu, maibe to;o hetan tiha projeitu, sosa uluk mak kareta foun no ba pasiar iha rai liur. 

 Maske nune’e, Advokasia camara Comersio Industria Timor Leste (CCI-TL), Agustinho dos Santos Marques hateten, durante ne’e nia parte la hadau malu projeitu. 

 “Projeitu ne’e defende ba governu mak fahe, tanba, governu mak iha obrigasaun atu fahe ba CCI-TL ka CNT,” dehan Agustinho ba Jornalista sira iha Mandarin, Dili, segunda (27/5). 
.

Sem comentários:

Publicar um comentário

Nota: só um membro deste blogue pode publicar um comentário.