quarta-feira, 29 de maio de 2013

Setor Privadu Hadau Malu Projeitu Estadu; “PM Xanana: Hau Sei Haka’as Sira Iha Jestaun”

.

Jornal Nacional Diario - Kuarta-Feira, 29 Maiu 2013 

Primeiru Ministru (PM) Kay Rala Xanana Gusmao, informa ona ba Prezidenti da Republika (PR), Taur Matan Ruak, katak iha tinan oin Governu sei fo apoiu finanseiru ba setor privadu hodi hakbiit sira atu bele hala’o investimentu iha rai laran. 

 Tanba ne’e, Xefi Governu Bloku Koligasaun (GBK) ne’e afirma, kuandu setor privadu hetan ona apoiu husi Governu, maka nia sei hakaas sira iha jestaun implementasaun. 

“Hau dehan ba Prezidenti tinan mai ne’e como Parlamentu mos ami la’o ba Distritu, sira mos konese ona nesesidades boot ida husi setor privadu hodi apoia iha setor finanseiru, hau sei haka’as sira iha jestaun,” afirma PM xanana ba Jornalista sira iha Palacio Prezidensial Aitarak laran, Dili, Segunda (27/5) hafoin halao enkontru ho PR. 

PM Xanana hateten, durante sosializasaun Municipio iha Distritu 13 ne’ebe mak akompania husi Deputadu Parlamentu Nasional, rona rasik preokupasaun husi setor privadu sira, tanba Governu ne’e sei hakbiit setor privadu. 

Alende ne’e, PM Xanana mos informa katak, liu husi karta ida neebe mak nia (PM Xanana-red) simu, katak farmasia sira iha Dili laran mesak ema estranjeiru de’it, maibe la’os setor privadu Timor oan. 

Ho nune’e, PM Xanana dehan, laiha problema, se lae setor privadu sira mak hadau malu projeitu estadu nian deit, no wainhira hakilar setor privadu atu hakaas an hodi halo investimentu, setor privadu sira la book an ho razaun katak laiha osan atu investe, tanba ne’e presiza prepara mos setor privadu hodi investe iha area oi-oin. 

“Setor privadu ami ajuda sira ho orsamentu itoan lae ita mak hadau malu projeitu depois ema seluk mai investe ida ne’e, investe ida ne’eba, ita hateten katak ita la iha investimentu, hanesan hau simu surat ida hodi informa ba hau dehan Farmasia sira iha Dili ne’e mesak Indonesia, depois ita la book an, mas kuandu ita dehan book an, ne’e setor privadu sira dehan katak ami la iha osan, atu investe tamba ne’e maka marka mos setor privadu prepara mos sira,” informa PM Xanana. 

Tanba ne’e, Governu hanoin ona iha tinan oin sei fo apoio ba setor privadu. Nune’e bele hakbiit no aforsa tan setor privadu hodi investe mos iha rai laran.
.

Sem comentários:

Publicar um comentário

Nota: só um membro deste blogue pode publicar um comentário.