sexta-feira, 24 de maio de 2013

Sosializasaun Municipio, “PM Xanana Triste Haree Manatuto”

.

Jornal Nacional Diario - Sesta-feira, 24 Maiu 2013 

Primeiru Ministru (PM) Kay Rala Xanana Gusmao laran susar no triste wainhira haree Distritu manatuto ne’ebe nuudar nia rain moris fatin ne’e nakonu ho lixu no dois ho animal nia foer. 

“Ohin (orsehik) dader tuku 4 madrugada hau lao oituan ba tasi ibun, ba merkadu no laletek foho leten, balun hau horon ambiente Manatuto nian i’is de’it ho animal nia dois no lixu ne’ebe Manatuto nia oan sra soe arbiru,” Hateten PM Xanana Gusmao, Kuarta feira (22/5), iha Dialogu Divulgasaun planu no programa desentralizasaun poder lokal iha salaun Paroquia Igreija Santo Antonio Manatuto. 

Xanana Gusmao hatutan katak, husi fatin sira ne’ebe nia haree diferensa tebes ho tempu ne’ebe nia sei ki’ik tasi sira uluk iha nia tempu ne’ebe mos oras ne’e nakonu ho lixu lastiku, animal sira lao tun sa’e iha luron, Merkado sira mos dois ho modo dodok ne’ebe vendedor sira so’e. 

“Hau triste kuandu buat hotu mak imi Manatuto oan sira hein hotu husi Governu sentral mak sei mai hadia no hamos ita nia rai rasik, ida ne’e susar ba ita atu la’o ba oin,” dehan Xanana. Xefe Governu ne’e realsa katak, komprende tebes karateristika ema Timor nian, liu-liu povu Manatuto sira nian, Sistema ne’ebe mak Governu halo atu hamos sidade, ida ne’e sira dehan kolonialismu nia programa. 

“Lalika tuir sistema ‘gotong royong’ ne’e tamba sistema ne’e kolonialismu mak husik hela, agora independensia ona lalika kopia bei-beik sistema sira ne’e,” Xanana dezafia komunidade Distritu Manatuto. 

Xanana koalia tan katak, se manatuto oan sira mak hanoin hanesan ne’e susar ba sira atu simu poder lokal ne’ebe mak governu sentral sei entrega ba Manatuto Anan sira. 

Xanana dehan tan, Manatuto oan sira hatene hakiak animal maibe laiha responsabldiade, atu sulan animal sira ne’e iha nia fatin, tanba ne’e mak animal sira ho ema ne’e, la ses malu ona no duni mos animal sira ne’e la ba ona. 

“Hau husu ba Manatuto Anan sira atu hanoin didiak, simu poder lokal laos fasil maibe todan, buat kiik sira hanesan ne’e nune’e mak ita la tau ona atensaun, susar ita atu hadia buat ne’ebe boot,” Xanana koalia. 

Ne’eduni Distritu manatuto tenke sai ezemplo diak ba Distritu sira seluk, se la’e 2071 mak municipio sei mai to’o iha imi nia Distritu.
.

Sem comentários:

Publicar um comentário

Nota: só um membro deste blogue pode publicar um comentário.