segunda-feira, 27 de maio de 2013

“TL Sei Lori Australia Ba Tribunal Internasional”

,

Jornal Timor Post - Segunda-feira, 27 Maiu 2013 

Governu Timor-Leste ameasa sei lori Governu Australia ba Tribunal Internasional iha loron 23 Abril 2014, wainhira la iha solusaun ba akordu Certain Maritime Arangament Timor Sea (CMATS). 

“Ita buka no tur hodi koalia akordu ne’e par abele hatene ninia rejultadu pozitivu ka lae, se rezultadu la pozitivu ita sei lori ba arbitrasuan, agora dadau ita prepara para iha loron 23 Abril 2014, ita lori tratadu CMATS ba iha Tribunal para rezolve iha ne’eba,” haktuir Ministru Petroliu no Rekursu Minerais (MPRM), Alfredo Pires bainhira partisipa Sosializasaun Munisipiu iha Sentru Konvensaun Dili, sabadu (25/5). 

Governante ne’e hatutan tan katak, antes atu lori prosesu ne’e ba Tribunal Internasional, Governu Timor-leste ho Australia sei tur hamutuk hodi buka solusaun ba tratadu Tasi Timor maibe enkuantu laiha rejultadu entaun la iha tan dalan seluk. 

Oras ne’e dadaun Governu Timor Leste komesa buka ona defensor ba kazu CMATS nian bainhira lori ba arbitrazen Internasional. “Ita nomeia hela TL ninia advogadu, agora ita hein fulan ida resin tan Australia nomeia ninia advogadu depois ita buka tesi lia ba CMATS, tanba ninia prosesu ne’e bele lori fulan 8 hodi defende ita, inklui advogadu mos iha posiblidade deskute ba suntu ne’e,” informa Alfredo. 

 Tanba Timor Leste mak tenke prepara uluk nia defensor tanba TL mak lori kazu ne’e ba Tribunal Internasional. 

“Ita nia advogado ne’e ita lori husi englatera tanba atu rezolve CMATS ne’ebe ninia prosesu ita lori ba Tribunal inklui tama ona iha prosesu arbitrazen maibe akordu CMATS ne’e rasik Timor-Leste mak lori Australia ba iha Tribunal tanba tenki tuir duni dalan ida ne’e,” haktuir Alfredo. 

Alfredo mos hateten,” ita sei buka para koalia ho ita nia vizinu Australia hodi hare oinsa ita atu rezolve kestaun CMATS nian, desde loron 7 fulan Dezembru, Timor-Leste prosima Governu Australia atu tur koalia hodi rejolve akordu ne’e, mais la konsege hetan rejultadu pozitivu. 
.

Sem comentários:

Publicar um comentário

Nota: só um membro deste blogue pode publicar um comentário.