segunda-feira, 27 de maio de 2013

Vicente Guterres: “Muda Lei Pensaun Vitalisa Ne’e Propaganda”

.

Jornal Timor Post - Segunda-feira, 27 Maiu 2013 

Prezidenti Parlamentu Nasional (PN), Vicente Guterres hateten, atu muda lei pensaun vitalisia ne’e propaganda politika husi Partidu Politiku sira para hetan kareira. 

“Golpe de estadu iha Afrika mosu ne’e tanba hanesan hau iha poder tanba iha votu, sira ne’ebe laiha labele ukun to’o mate, entaun sira ne’ebe la hetan kareira halo funu hodi oho tiha sira, para ukun fali, ida ne’e mak ita hakarak akontese iha ita nia rain,” Prezidenti PN ba Timor Post iha nia kna’ar fatin, Sesta (24/5). 

Nia dehan, haree fila fali ba kotuk iha eleisaun jeral, partidu politiku sira tun ba baze halo propaganda politika dehan, kuandu povu hili manan sei muda lei pensaun vitalisia, tanba ulun boot sira tur deit simu osan, povu kiik sira kontinua moris kiak nafatin. 

Tan ne’e, nia husu povu sira tenki loke matan ho propaganda politiku sira ne’ebe la iha baze legal, tanba atu hetan deit kadeira para ukun povu ho nasaun ida ne’e. 

Nia dehan, istorikamente iha paiz hotu-hotu, tenki tau matan ba nia lider politikus no veteranus sira, kuandu estadu la haree, nasaun sei la lao ba oin. 

Prezidenti parlamentu ne’e hatutan tan katak, estadu tau matan ba eis politikus hanesan Prezidenti Republika agora ezerse nia funsaun, kada fulan manana U$5 mill, kuandu remata ninia mandatu, manan metade (50%) husi nia vensimentu. 

 Nia esplika tan, hanesan mos deputadu ho Ministru sira tur iha kareira to’o remata sira nia mandatu, depois la halo buat ida ne’e, nia konsekuensia boot ba povu kiik sira, atu hametin estabilidade seguransa ho dezenvolvimentu nasaun foun ida ne’e lao ba oin ho hakmatek, estadu tenki kria kondisoens uluk ba eis politikus sira hafoin bele haree ba povu kiik sira. 

Tan ne’e, Prezidenti PN rasik la konkorda, muda lei pensaun vitalisia, tanba la kohi akontese funu golpe estadu, entre lider politiku sira hanesan iha nasaun barak akontese, tan deit la hare ninia eis politiku sira. Estadu iha dever atu hare mos povu kiik sira nia moris, hanesan loke estrada, ahi ho buat seluk tan, ne’ebe povu labele halo, maibe Timor iha rai luan atu halo to’os, natar, animal para esforsu buka sustenta ba vida ekonomia lor-loron. 

 “Uluk ita nia avo sira ne’e moe atu husu, tanba haree feton-sa’e umane, mais tempu agora ne’e ita haree ema hotu-hotu hakarak buat hotu ezizi ba estadu,” nia kompara. 
.

Sem comentários:

Publicar um comentário

Nota: só um membro deste blogue pode publicar um comentário.