quarta-feira, 29 de maio de 2013

“Xanana Informa Mandatu Longuinhos Ba Taur”

.

Jornal Timor Post - Kuarta-Feira, 29 Maiu 2013 

Primeiru Ministru (PM) Kay Rala Xanana Gusmao informa preparasaun Governu atu hakotu priodu tranzitoriu mandatu Komandante Polisia Nasional Timor Leste (PNTL) Komisariu, Longuinhos Monteiro ba Prezidenti Republika Taur Matan Ruak. 

Hafoin hasoru malu ho xefe Estadu, Primeiru Ministru xanana hateten, nuudar Ministru Defesa no Seguransa (MDS) nia hasoru malu ona ho konsellu superior PNTL nian hodi koalia kona-ba mandatu Komandante Longuinhos Monteiro nian. 

 “Governu desidi prolonga nafatin priodu tranzitoriu to’o loron 27 Junu, no hau iha enkontru ho Prezidenti hau mos enkontru ho Konsellu superior, ami hetan ahnoin balun husi Konsellu Superior no ami iha Governu fulan ida atu prepara para hakotu periodu tranzisaun ne’e hodi haree halo nusa,” dehan PM Xanana ba Jornalista sira iha Palasio Nicolau Lobatu, Bairo-Pite, segunda (27/5). 

PM Xanana hateten tan katak, periodu tranzitoriu ne’ebe Governu prolonga ne’e informa ona ba konsellu superior PNTL liu husi enkontru ne’ebe hala’o iha sesta semana kotuk. 

Alende ne’e nia (Xanana) mos hasoru malu ona ho Komisaun B Parlamentu Nasional (PN) ne’ebe trata asuntu seguransa hodi deskute kona-ba problema iha PNTL. 

“Ohin dader (Hodibainrua-red) mos hau informa ba prezidenti hau hasoru malu ho komisaun B PN, hodi troka informasoens ba malu, haree problemas ne’ebe relasiona ho polisia ne’ebe komisaun B PN nia hakarak at diak liu ami iha enkontru ida pozitivu tebe-tebes, hodi troka informasaun, ne’ebe hau informa ba prezidenti kona ba enkontru ida ne’e ami iha regularmente atu hasoru malu hodi deskute kona ba kestoens polisia nian,” dehan PM Xanana. 
,

Sem comentários:

Publicar um comentário

Nota: só um membro deste blogue pode publicar um comentário.