sexta-feira, 31 de maio de 2013

“Xanana Sadik Sosieade Sivil”

.

Jornal Timor Post - Sesta-Feira, 31 Maiu 2013 

Primeiru Ministru (PM) Xanana Gusmao sadik sosiedade sivil (NGO) sira atu labele hanoin hakilar deit governu nia servisu, maibe tenki halo mos auditorial iha ninia uma laran rasik, tanba servisu sosieade sivil nian mos dala barak laiha rezultadu. 

“To’o agora hau sei kestiona jestaun iha sira nia uma laran, ita atu hakilar deit ema, maibe halo tok auditorial iha ita boot sira nia uma laran, keta iha buat ruma mos la kuerente ho pratika servisu loro-loron nian karik,” dehan PM Xanana liu husi konferensia Internasional kona ba desentralizasaun poder lokal iha CCD, Dili Kuarta (29/5). 

Xanana lamenta servisu sosieade sivil nian ne’ebe durante ne’e nunka aprejenta mos rejultadu aditorial ruma kona ba sira nia servisu durante ne’e, maibe sira gosta deit mak hakilar ema seluk nia servisu. 

“Ohin loron membru Governu sira sai alvu maka’as ba NGO sira, ne’e buat ida diak tanba bele fanu ami governu sira, maibe kuandu ita lakon tiha fiar husi sosieade sivil sira hau fiar tebetebes la iha ema ida mak sei kaer governu ne’e ho diak,” tenik Xanana. 

Nia dehan, se ida ne’e mak bele duni nia sei fo dalan ba NGO hamutuk ho partidu sira tau halo kompetisaun, se NGO manan kaer tok Governu ba, ami iha fali liur se mak ukun diak liu. Tuir Xanana, NGO mos tenki realistis oituan hodi halo analiza ba ita nia kondisaun rasik, nuudar xefe governu kontinua husu NGO sira tenke halo kontrolu sosail maka’as nafatin, maibe tenki ho fisteza oituan. 

Tuir nia, lolos ne’e ita tenke hatene katak, to’o agora nasaun barak iha mundu ne’ebe ukun-an kleur ona at liu fali ita, ne’eduni labele hanoin katak, tinan lima nia laran ita atu kurizi buat hotu. 

 “Iha Amerika rasik mos to’o agora sei halo sasan barak mak at maibe sira la baku sira nia isin, sira buka atu kuriji malu para hadia buat ne’ebe la los, no la diak atu bele sai diak, par abele fo benefisiu ba povu mukit no kiak,” dehan Xanana.
.

Sem comentários:

Publicar um comentário

Nota: só um membro deste blogue pode publicar um comentário.