sábado, 22 de junho de 2013

“ANTI Kestiaona Sorumutu Entre Mari Alkatiri Ho Prabowo Iha Indonezia”

.
Foto de, Leonia Monteiro
Notísia Husi TVTL - Kinta-Kalan, 20 Juñu 2013 Aliansa Nasionál Timor-Leste ba Tribunal Internasionál (ANTI) ezije ba komunidade internasionál atu kontinua fó prioridade ba kazu violasaun Direitus Umanus iha Timor Leste.

Kestaun ne’e hato’o husi ANTI liu husi konferénsia da imprensa hodi responde enkontru boot parseiru dezenvolvimentu iha Timor-Leste ne’ebé la sita liu kona ba asuntu justisa, liu-liu kazu violasaun direitus umanus iha pasadu.

ANTI mós foti notísia ne’ebé publika husi Jornál Indonesia ANTARA ne’ebé halo publikasaun kona ba soru-mutu entre Prabowo ho Dr. Mari Alkatiri iha Jakarta, Indonesia.

“Ezije ba duadores sira atu fó atensaun ba kazu krime kontra umanidade iha Timor Leste durante okupasaun Militár Indonézia atu hetan prosesu formal, nune’e bele garante oportunidade tanba asuntu pasadu nudár aliserse ba dezenvolvimentu demokrasia agora no iha futuru,” deklara Sisto.

ANTI mós konsidera ensertante tebes se Prabowo nu’udar komandante iha altura ne’ebé tenke livre husi violasaun direitus umanus ne’ebé nia ho elementu sira komete. Anti haree katak, alterasaun ne’ebé membru kopasus sira komete hodi halo asasinatu hodi hasoru ema sivíl iha Timor-Leste tanba hetan orientasaun husi Prabowo.

Nune’e, la justu bainhira komunidade internasionál hahú abandona Timoroan dala ida tan, tanba husik Timoroan maka assume responsabilidade hodi ezije prosesu kontabilidade ba violasaun direitus umanus ne’ebé akontese iha Timor-Leste.
,

Sem comentários:

Publicar um comentário

Nota: só um membro deste blogue pode publicar um comentário.