sexta-feira, 7 de junho de 2013

“MS Rekonese Mediku 448 Seidauk Simu Salariu”

.

Jornal Timor Post - Sesta-Feira, 07 Junho 2013 

Ministru Saude Sergio Lobo rekonese mediku foun 448 ne’ebe hala’o kna’ar iha suku, durante fulan hat seidauk simu salariu. 

Los duni mediku foun atus haat resin ne’e seidauk simu sira nia salariu durante fulan haat, maibe sira nia osan tama ona iha Ministeriu Financas,” esplika Sergio ba Jornalista sira, iha Hospital Nasional Guido Valadares (HNGV), Dili, Kuarta (05/6). 

Sergio haktuir katak, MInsiteriu saude so bele halo esforsu no tenta konfirma ho Ministeriu Financas par abele prosesa lalais salariu ba mediku sira ne’e, maibe desizaun iha Ministeriu kompotente, tanba ne’e kompetensia sira nian. 

Ministru Saude mos konfesa katak durante fulan rua ona, kompania ne’ebe toma konta ba limpeza iha hospital mos tarde selu salariu ba sira nia staff ne’ebe hamos foer iha hospital tanba nee hamsou problema hijine la saudavel. 

“Ami sei buka no troka kompania ne’ebe toma konta limpeza, ami sei bolu lai sira no sei koalia ho sira didiak lai, tanba kompania sira laos professional atu kaer HNGV, tanba ne’e ita sei presija hanoin oinsa atu fo treinamentu ba kliner sira,” Ministru haktuir.
.

Sem comentários:

Publicar um comentário

Nota: só um membro deste blogue pode publicar um comentário.