quinta-feira, 11 de julho de 2013

Rezultadu Ukun Governu AMP Ba Porto Hera Rezultadu Zero: “Ukun Governu Bloku Koligasaun Sei Intrega Ba Komapnia Karya TL”

.

Jornal Nacional Diario - Kinta-feira, 11 Julhu 2013 

Governu sei entrega fali porto Hera ba kompania Karya Timor Leste atu halo konstrusaun, tanba Portu ne’e iha Governu Aliansa Maioria Parlamentar (AMP) nia tempu konstroe husi Kompania Life’s Engineering husi Australia, maibe ninia rezultadu ne’e mak zero ka laiha kualidade, tanba ne’e Governu liu husi azensia Dezenvolvimentu Nasional (ADN) desidi hapara kompania Life’s Engineering. 

Diretur ADN Samuel Marcal hateten katak, razaun Governu hapara kompania Life’s Engineering hodi entrega ba kompania Karya Timor Leste, tanba governu haruka sira hadia ponte ne’ebe tohar ne’e maibe kompania lakohi hadia mak Governu trava tiha osan restu hamutuk U$1.5 millaun. 

Tuir Samuel Mendonca, Governu trava tiha osan restu husi kompania life’s Engineering hamutuk 1,5 miliaun hodi husu ba Kompania Karya Timor atu bele hadia orjente Porto Naval hera ne’e, Para F-FDTL bele utiliza ona. Samuel mendonca akresenta tan katak, Kompania Karya Timor Leste promete katak semana ida ne’e nia laran sira nia teknika sei mai husi Indonezia, atu bele hadia fali portu ida ne’e. 
Nia esplika tan katak, orsamentu ba kompania Karya TL ne’e, tekniku ADN sira seidauk sura, tanba governu hanoin ona atu muda fali porto Naval Hera nia pozisaun, tanba portu ne’ebe agora hamrik ne’e, hateke liu ba laloran ne’ebe baku mai. 

“Dezenu Portu Naval Hera ne’e, tuir nafatin dezenhu ne’ebe iha, maibe pozisaun mak muda oituan,” Samuel Mendonca esplika. Nia akresenta tan, mekanismu atu kontrola servisu porto ne’e, enjeneiru sira husi Naval mak sei halo kontrolu ba servisu kompania Karya TL atu nune’e servisu bele lao diak. 

Tanba dehan Samuel Mendonca, portu ne’ebe halo iha tasi laran nee, presiza halo manutensaun, hanesan tau matan ba porka sira ne’ebe ferujin ona tenki kose lalais oli, atu nune’e labele akontese hanesan agora dadaun. 
,

Sem comentários:

Publicar um comentário

Nota: só um membro deste blogue pode publicar um comentário.