terça-feira, 24 de setembro de 2013

Ezekusaun Orsamentu do Estadu “PM Xanana Identifika Kapital Dezenvolvimentu Problema Bo’ot”

.

Jornal Nacional Diario - Tersa-feira, 24 Setembru 2013

Primeiru Ministru Kay Rala Xanana Gusmao identifika, iha problema mosu iha capital dezenvolvimentu, kona ba ezekusaun orsamentu jeral estadu.

 “Problema ne’e iha oi-oin, laos problema ezekusaun ida ne’ebe dehan katak, lahatene gasta osan, problema ami haree bo’ot ne’e, liu-liu iha capital dezenvolvimentu,” informa PM Xanana ba Jornalista sira foin lalais ne’e iha salaun inkontru MNEC Pantai Kelapa, Dili.

Xanana hatutan, ezekusaun orsamentu dala balu ema haree katak, to’o fim de ano hanesan solidaridade social sei barak, hanesan veteranus, ferik katuas sira, tanba ne’e to’o fim do ano osan sei sai hotu. Ezekusaun orsamentu barak ne’e, liu-liu iha ezekusaun fizika, tanba ita mos seidauk iha ema barak atu la’o ba iha Timor laran tomak hodi hare ida-idak, ida ne’e sei lori tempu it oan,” dehan Xanana.

“Ita nia prosesu ami hare ona, tanba internet mos lao seidauk diak, tanba sei monta iha Distritu hotu-hotu, atu iha ne’eba ne’e ADN sira nia ema sira hare, rezultadu bele mai kedas,” katak Xanana.

Tanba Timor Leste mos iha ona fibra obtika, ne’ebe haleo Timor, maibe oinsa mak ida ne’e instala tiha, tanba ida ne’e fasilita tebetebes servisu Governu nia, afirma Xanana.

Dala ruma Governu ezizi demais ba emprezariu local sira, maibe sira mos iha problema, liu-liu iha finanseiru, esklarese Xanana. Xanana mos rekonese katak, kuandu hare ba prosesu dezenvolvimentu ne’e, tenki kompriende katak, dezenvolvimentu ne’e integradu teb-tebes, no labele hare katak dezenvoolvimentu ne’e halo iha loron ida,” akresenta Xanana.
.

Sem comentários:

Publicar um comentário

Nota: só um membro deste blogue pode publicar um comentário.