terça-feira, 24 de setembro de 2013

Governu La Tau Atensaun “Klinika Privado Selu Karun, Diak Liu Ba HNGV”

.

Jornal Nacional Diario - Tersa-feira, 24 Setembru 2013

Maske Komunidade balu senti tauk tratamentu saude iha Hospital Nasional Guido Valadares (HNGV) maibe klinika privado ne’e aiimoruk karun liu, tan ne’e ema ne’ebe osan laiha atu selu tenke ba halo tratamentu saude iha HNGV.

 Filipe Ximenes familia pasiente ne’ebe durante ne’e familia pasiente ne’ebe durante ne’e baixa iha HNGV, ba Jornal Nacional Diario segunda (23/9) hatete hakarak ou lakohi tenki ba HNGV tanba osan laihha atu halo tratamentu ne’ebe sempre akontese no beibeik ona ne’e sira mos sente tauk no hakarak halo ttratamentu iha Klinika Privadu maibe atu dehan nusa osan laiha atu ba selu.

“Ami sente tauk bainhira haree akontesementu hirak ne’e maibe atu halo nusa ita atu ba ne’ebe, se karik la mai iha ne’e i buat hotu distinu karik destinu dehan nune’e ona ita atu dehan nusa,” hatete Filipe.

 Iha parte seluk, Adolzinha de Jesus nudar pasiente ne’ebe durante ne’e halo tratamentu iha Klinika Maternidade Fatumeta hateten, durante ne’e sempre halo tratammentu iha Klinika Maternidade Fatu Meta tamba la dun konfia ho Dotor no enfermeira sira ne’ebe oras ne’e dadaun halo atendementu iha HNGV.

Nia hateten tuir lolos nia gosta ba halo tratamentu ba iha ne’eba (HNGV) tanba ekonomia fraku, maibe tamba tauk atu ba la fila no nia oan sira labele fil, nune’e durannte ne’e osan laiha mos nia ho nia familia tenke ba halo tratamentu iha ne’eba.

“Hau ho hau nia fammilia durante ne’e mai halo tratamentu iha ne’e tanba hau dala barak rona no haree ema balun diak husi uma derepenti mate tamba dehan sona ou operasaun ida ne’e mak halo hau tauk i trauma tan buat sira ne’e,” hateten Adolzinha ba JND iha nia hela fatin Surikmas Segunda (23/9).

 Iha fatin la hanesan, Manuel Sarmento komunidade Bebonuk hatete, durante ne’e nia ho nia familia halo tratamentu iha Klinika Madre PRR Aimutin ho razaun tanba atendementu madre sirra no pesoal saude iha ne’eba mesak diak inklui mos hingine.

Nia hateten, durante ne’e konsulta baibain nomos ferikuan partus mos iha Klinika refere, tanba antes ne’e dala ruma ba halo tratamentu iha HNGV atendementu tarde nomos higine laiha nune’e halo nia oan sira moras liu tan.

“Ami tuir lolos ne’e hakarak ba halo tratamentu iha ne’eba maibe tamba dala ruma ita ba hein ba hein, liu-liu iha emergensia ne’e ita ba kuaze orras ida rua ou liu tan mos ema ida atu mai atende ita lalais mos laiha, i haree kondisaun mos iis foer aat los, oinsa it abele diak kuandu ita hare kondisaun hanesan ne’e,” dehan nia.
.

Sem comentários:

Publicar um comentário

Nota: só um membro deste blogue pode publicar um comentário.