terça-feira, 24 de setembro de 2013

“KAK Investiga Madalena Hanjam”

.

Jornal Nacional Diario - Tersa-feira, 24 Setembru 2013 

Komisaun Anti Korupsaun (KAK), Segunda (23/), halo investigasaun ba eis Vice Ministra Saude iha Kuartu Governu Konstitusonal (AMP), Madalena Hanjam. 

 Madalena Hanjam akompania ho nia kaben to’o iha edifisiu KAK tuku 9:30 Otl no submete kedas ba prosesu investigasaun to’o tuku 13:30 Otl. Eis Vice MS ne’e ba KAK ho kareta privadu marka Land cruiser Prado Nuumeru Matrikula 23.436 TL akompania mos ho nia oan feto ne’ebe ho kareta privadu marka Colt ho numeru matrikula 26.125 TL. 

Hafoin investigasaun Madalena Hanjam hatete, nia prezensa KAK tamba hetan xamada husi KAK rasik atu mai responsabliza servisu ne’ebe nia hala’o durante tinan lima nuuudar Vice Ministra Saude nian. 

“Haul abele hatete sai ba ita boot sira saida mak ami koalia maibe hau hanesan membru Governu ne’ebe servisu tinan lima nia laran hau mai hanesan responsabldiade akontablidade saida mak hau halo ona,” hateten Madalena ba Jornalista sira, Segunda (23/9) iha Edifisiu KAK, Farol, Dili. 

Nia esplika katak, hanesan ema ne’ebe uluk kaer ukun iha Ministeriu saude, tenki fo informasaun signifika tempu tinan lima ne’e halo duni servisu ka la’e. 

Madalena hanjam nia prejensa iha KAK laos nudar sasin ruma maibe nia mai responsabliza ba serviisu ne’ebe mak nia elabora iha nia mandatu nuudar Vice Ministra. 

“Hau mai responsablidade ba buat hotu laos ba sosa kama deit maibe hau nudar Vice Ministra responsavel buat hotu ne’ebe mak iha,” hateten Madalena. 

Nia hatutan, responsablidade ne’ebe mak nia atu responsabliza hanesan sosa kama, makina fase ran, makina hadia ema nia kurasaun, buat sira ne’e sosa kumpletu hotu ne’e mak tenki mai responsabliza ekipamentus ne’ebe sosa ne’e mai ajuda duni povu ka mai halimar ho projeitu.
.

Sem comentários:

Publicar um comentário

Nota: só um membro deste blogue pode publicar um comentário.