sexta-feira, 27 de setembro de 2013

Karta Aberta ba Exmo, Sr. Ministro da Saude - ARSENIO BANO

.
Foto, Arsenio Bano
Karta Aberta ba Exmo, Sr. Ministro da Saude.

Ho respeito,

Hau hakerek ba ita bot hodi informa ba ita kona kazu pasiente ida husi Suai, naran Vidal Soares hela Lahane. Sr ho naran refere agora dadaun iha hela sala Enfermaria de Cerugia Homen, numero 3, moras batu Ginjal desde tinan kotuk Setembro 2012. 

Moras nain uza plastic urin desde tinan kotuk, hodi soe be tan soe be foer ladiak no moras. Sr. Vidal Soares mai hospital Dili dala tolu ona atu halo operasaun, ba moras batu Ginjal nebe nia iha. 

Mai dala uluk ba hospital Dili lakonsege halo operasaun tan aimorok normaseline laiha, mai segundu lakonsege halo operasaun tan makina operasaun lafunsiona, ikus liu horseik 25/09/2016,pasiente refere lori tama ba sala operasaun lakonsege hetan operasaun (hasai fali deit) tan razaun aimorok laiha. 

Sr. Vidal Soares uza plastic urin desde tinan kotuk merese hetan atensaun husi serbisu Saude hospital nian. Liu husi karta aberta ida hau nudar sidadaun ida, husu ita bot uza, ita bot nia kompentensia nudar Ministro Saude atu tulun Sr. Vidal Soares halo operasaun ba moras nebe nia iha. 

Sr. Ministro Saude bele karik halo levantamentu klean ba situasaun no lalaok hospital Dili no sira seluk hodi bele hadian situasaun nee. 

Pasientes hotu hotu merese hetan tratamentu naton husi serbisu publiku saude Estado TL, hein katak ita bot bele iha tempo atu hare situasaun hospital Dili no halo mudansa ba situasaun ne'e. 

Ho respeito hau hato'o obrigado wain ba ita bot nia atensaun.

Dili, 26 Setembro 2013

Husi Arsenio Bano
,

Sem comentários:

Publicar um comentário

Nota: só um membro deste blogue pode publicar um comentário.