terça-feira, 3 de setembro de 2013

“Kazu CMATS, TL ‘Taka Odamatan’ Negosia Ho Australia”

.

Jornal Independente - Tersa-feira, 03 Setembru 2013 

Pozisaun Timor-Leste (TL) ba kazu Certaim Maritime Arrangament in The Timo sea (CMATS) klaru ona katak, tenki rezolve liu husi Tribunal arbitrazen no la loke ona dalan atu halo negosiasaun ho Governu Australia.
 .
 Ministru Petroleum no Rekursu Naturai Alfredo Pires hateten dalan ikus atu rezolve problema CMATS mak Tribunal arbitrazen. 

“Laiha ona tempu atu lao tuir tan prosesu negosiasaun, maibe dalan ikus mak Tribunal arbitrazen internasional, laos kria fali manobra tu’un sa’e ba Timor-Leste,” deklara Alfredo ba Jornalista sira iha Palasiu Governu, Segunda (02/09). 

 Ministru Alfredo hato’o kestaun ne’e relasiona ho mudans alideransa iha Governasaun Australia. “Australia iha oras ne’e dadaun iha primeiru Ministru foun, troka tiha ona Julian Guillard, ne’ebe ita hotu akompania took Kevin Ruud ninia asaun ba kazu ne’e, tanba iha informasaun balun fo sai katak, Kevin ruud hakarak nafatin prosesu negosiasaun, maibe eis primeiru Ministru Australia Julian Guillard mak hakarak ba Tribunal arbitrazen internasional,” dehan nia. 

Ministru Alfredo hateten, nia parte dadauk ne’e prepara hela evidensia balun hodi halo asaun seriu hasoru Australia. “Ita hotu hatene ona katak, Governu Australia resposta ona karta notifikasaun Timor-Leste nian kona ba kazu akordu lina Fronteira maritime (CMATS) iha loron 19 liu ba, tanba ne’e mak Australia hakarak ba Tribunal arbitrazen internasional, Timor-Leste mos pronto hata’an, tanba lina Fronteira maritima ne’e direitu parte Timor-Leste nian, ne’e kada loron ami sempre update ba kazu ne’e,” informa nia. 

Antes ne’e, Primeiru Ministru Kay Rala xanana Gusmao promete sei hakilar Australia iha Tribunal arbitrazen internasional ba kazu CMATS, bainhira Australia hatudu jeitu la diak. 

Xefe Governu ne’e mos dehan katak, laiha ona tempu atu liu husi prosesu negosiasaun, maibe dalan ikus mak Tribunal arbitrazen internasional, la’os ona dalan negosiasaun. 

 Iha parte seluk, Prezidenti da Republika Taur Matan Ruak husu ba Governu Timor-Leste ho Governu Australia atu rezolve kazu CMATS ho matenek.
.

Sem comentários:

Publicar um comentário

Nota: só um membro deste blogue pode publicar um comentário.