terça-feira, 3 de setembro de 2013

Klinika Bairo Pite Faan Kareta Ambulansia “Governu Tenki Interven”

.

Jornal Nacional Diario - Tersa-feira, 03 Setembru 2013

Pesoal Saude Klinika Bairo-Pite ejiji ba Governu liu husi Ministeriu Saude (MS) atu intervein lalais problema Manajer Klinika Fiona Oaks ne’ebe fa’an kareta Ambulansia nebe fo husi Governu Kwait.

“Ami husu ba MS atu intervein problema Klinika Bairo-Pite tamba Klinika ida ne’e hetan suporta finanseiru husi MS ho montante 75% kada tinan kompara ho husi duador ne’ebe ho montante 25%, ho ida ne’e MS iha diretu duni atu oinsa bele rezolve problema lubuk ida ne’ebe akontese iha Klinika Bairo-Pite mak hanesan laiha kareta ambulansia hodi tula pasiente maibe manajer Klinika Fiona Oaks faan kareta ambulansia ne’ebe suporta husi Kwait ne’ebe intrega direitamente husi eis Prezidenti da Republika, Jose Ramos Horta iha tinan 2007 hodi tula pasiente ne’ebe kareta ne’e nia kondisaun iha fulan hirak liu ba at maibe hadia ona, nune’e ami hanoin atu lori mai hodi uza ba nesesidade klinika ne’e maibe realdiade sira faan tiha sein informasaun ruma ba ami,” Portavos Klinika Bairo-Pite, Maria da Costa deklara asuntu ne’e ba Jornalista sira segunda (2/9) iha Klinika Bairo-Pite, Dili hafoin halo asaun protesta.

Asistensia farmasia Klinika bairo-Pite, Maria da Costa haktuir, klinika ne’e privadu maibe durante ne’e hetan finansiamentu 75% husi Governu liu husi MS kompara ho doador sira ho 25%, tamba ne’e MS iha direitu no kompetensia atu intervein ba problema ne’ebe akontese iha klinika refere atu nune’e labele impata prosesu atendementu professional ba saude iha klinika refere hanesan falta ambulansia no seluk tan.

“Ami husu ba MS atu intervein liu-liu problema kona ba ambulansia ne’ebe manajer Fiona faan tiha ne’e tamba durante ne’e kuandu pasiente sira krize (gawat) ami tula deit ho kareta privadu i dala ruma ema mate mos ami tula ho kareta privadu tamba ne’e mak ami halao asaun protesta ne’e,” haklaken nia.

Nia mos salienta tan katak, relasiona ho problema lubuk ida ne’ebe mak durante ne’e nunka rezolvidu, tanba ne’e husu ba MS atu intervein no buka dalan ida ne’ebe diak ba klinika refere hodi hakotu problema sira ne’ebe mak durante ne’e mosu iha klinika ne’e nia laran.

Entertantu ba asuntu ne’ebe refere seidauk iha klarifikasaun husi Ministeriu saude rasik hodi resnde ba preokupasuan ne’e.
.

Sem comentários:

Publicar um comentário

Nota: só um membro deste blogue pode publicar um comentário.