terça-feira, 3 de setembro de 2013

Ro Ambulansia Avaria: “Administrador Sub Distritu Atauro Konsidera MS Gasta Osan Povu Nia Saugate”

.

Notisia Husi TVTL - Segunda-Kalan, 02 Setembru 2013 

To’o oras ne’e komunidade Sub Distritu Atauro seidauk simu ro Ambulansia ne’ebe Ministeriu Saude (MS) entrega iha fulan Junu tinan ida ne’e.

 Administrador Sub Distritu Atauro hateten, komunidade sira husu atu entrega ro ne’ebe kualdiade hodi fasilita pasiente. Ministeriu Saude (MS) entrega ona rona ambulansia iha loron 17 fulan Junu tinan ne’e no iha loron 3 fulan Jullu viazen ba Atauro hodi tula paseinte, maibe hafoin viazen ro refere labele halo operasaun tamba makina avaria no ro refere oras ne’e dadaun para hela iha tasi laran.

Nune’e, Administrador Sub Distritu Atauro Manecas Soares senti triste tamba to’o oras ne’e komunidade labele hetan tratamentu iha Ospital tamba laiha transporte atu fasilita viazen pasiente sira nian.

“Fulan hirak liu ba husi Ministeriu saude entrega ona ro ambulansia ida ba iha saude Distritu Dili mai Distritu Aatauro, maibe ro ne’ebe mak Ministeriu saude entrega to’o agora ami seidauk haree ninia oin, tantu autoridade no komunidade sira, ami nia preokupasaun atu fasilita moras husi Atauro ba Dili ami presiza ro ho kualdiade ne’ebe diak no ro ne’ebe mak forca iha,” dehan Manecas.

Ho sentimentu ne’e, Manecas Soares husu ba Governu, wainhira hola ekipamentu tenki iha kualdiade, nune’e bele uza iha tempu naruk.

“Tristeza boot baa mi tamba ro ne’e depois entrega koko tiha mai Atauro, Motor hetan avaria, husu ba Ministeriu saude atu karik sosa buat ruma liu-liu atu gasta osan povu nian karik tenki gasta ho lolos, tamba ninia benefisiu atu ba povu, se ita gasta osan saugate deit ninia rejultadu mak hanesan oras ne’e akontese,” dehan tan Manecas.

Oras ne’e dadaun ro ambulansia ne’e para hela iha tasi laran parte Lecidere nian. To’o Notisia ne’e fo sai, Televizaun Timor Leste seidauk konfirma ho Ministeriu Ne’ebe kompotente.
.

Sem comentários:

Publicar um comentário

Nota: só um membro deste blogue pode publicar um comentário.