quarta-feira, 16 de outubro de 2013

“Claudio Kontra Politika Copy-Paste Sistema”

.

Jornal Independente - Kuarta-feira, 16 Outubru 2013 

Nu’udar nasaun foun sistema servisu instituisaun barak sei lao runguranga, implikasaun husi problema ne’e, tanba sistema barak ne’ebe durante ne’e Timor-Leste uza mai husi rejultadu Copy-paste. 

Ne’e duni, Prezidenti Tribunal Rekursu, Klaudio Ximenes rejeita total politika Copy-paste, ne’ebe durante lao iha instituisaun estadu nia laran. Tanba sistema hitak ne’e barak la kondis ho situasaun iha Timor Leste. 

 “Dala ruma ita ba iha rai liur haree buat ne’ebe la’o iha ne’eba no halo kopia mai tau lolos deit iha ne’e, buat sira ne’ebe lao iha rai seluk no depois ita haree katak, dala barak buat ne’e la funsiona,” dehan nia, iha Plasiu Prezidenti, Ai Tarak laran, Dili, segunda (14/10). 

Nia hatutan, dala barak Timor Leste sempre gosta kopia tuir lalaok nasaun selu-seluk nian, depois mai alika tuir lolos deit, maibe dala barak buat sira ne’e la funsiona ho diak. 

Tuir Claudio, Timor Leste la dun barak hanesan nasaun boot sira seluk hanesan Estadus Unidus Amerika (EUA) ou nasaun sira seluk, maibe Timor-Leste hanesan nasaun ki’ik ida. 

Ne’e duni, sistema sira ne’ebe hari’i ne’e presiza haree ba buat sira ne’e bele funsiona ho diak no bele adapta ba realidade nasaun ne’e nian. Tuir nia, karakterristika kultura Timor Leste mos fo implikasaun ba justa, hanesan bainhira atu harii sistema ida ne’ebe funsiona presiza haree mos ba kultura. 
.

Sem comentários:

Publicar um comentário

Nota: só um membro deste blogue pode publicar um comentário.