segunda-feira, 7 de outubro de 2013

Deskonfia Problema Uma Laran “Joben 1 Hetan Oho Iha Meti-Aut”

.

Jornal Independente - Segunda-feira, 07 Outubru 2013 

Joven ida ho idade 25 hetan oho husi suspeitu ho naran inisial AJ no ema nain 2 hetan kanek kma’an, sesta kalan tuku 19:30, iha area Meti-Aut. Komandante Operasaun Polisia Nasional Timor-Leste (PNTL) Superitendente Xefi Armando Monteiro hateten, kazu oho Joven ida no hakanek nain rua. 

”Ami kaptura kedas suspeitu ne’e hafoin liu horas ida suspeitu ne’e rasik deskonfia sei iha relasaun familia ho vitima,” hateten Armando ba INDEPENDENTE via telephone, sabadu (05/10). Suspeitu oras ne’e iha sela polisia no mate isin lori ba Hospital Nasional Guido Valadares (HNGV) hodi submete ba prosesu autopsia. 

 “Ita seidauk hatene lolos motive husi kazu ne’e no vitima nia naran rasik mos ami seidauk hetan tannba sei iha prosesu investigasaun nia laran, segunda mak hau informa ba ita boot sira (jornalista),” dehan Armando. 

Nia hatutan, tuir informasaun ne’ebe mak Polisia siimu katak, entre suspeitu ho vitima ne’e iha problema privadu mak lori sira to’o oho malu no vitima nain rua ne’ebe kanek ne’e atu ba sorin, maibe sira hetan sona mos iha parte liman no ida seluk iiha parte kabas. 

Tuir observasaun diariu ne’e iha loron rua liu ba, grupu illegal espalla iinfoormasaun falsu ba komunidade katak, kazu oho iiha uma laran, iha Pantai Kelapa Dili, aliende ne’e, isu falsu ida mosu mos katak ema oho tan madre. 

Hafoin diario ne’e konfirma ba parte polisia nian katak, informasaun ne’e falsu no oras ne’e parte seguransa buka atu halo kapturasaun ba autor espailla informasaun falsu ne’e.
.

Sem comentários:

Publicar um comentário

Nota: só um membro deste blogue pode publicar um comentário.