terça-feira, 29 de outubro de 2013

“Diskonfia Alfandega, UPM ho Migrasaun Involve Negosiu Ilegal”

.

Jornal Independente - Tersa-feira, 29 Outubru 2013

Diskonfia membru serviso Alfandega Unidade Polisia Maritima (UPM) hamutuk migrasaun evolve direta iha prosesu negosiu ai teka hodi lori husi Indonesia mai Timor Leste liu dalan illegal. 

Iha dokumentu balun hatudu wainhira Falintil-Forsa Defeza Timor-Leste (F-FDTL) husi komponente Naval kaptura ro illegal ne’ebe mak tula ai teka hamutuk kubiku 33 no ema sidadaun Indonesia na’in lima ne’ebe mak laiha dokumentus inklui ro ne’e rasik.

Komandante komponente naval Kapitaun Fragata Higino das Neves hatete, ro ne’e komponente Naval kaer iha sabadu (26/10) madrugada iha area Hera nian no sira lori kedas mai iha baze Naval nian hodi halo prosesu investigasaun.

“Ami hetan dolkumentu balun katak, iha membru husi instituisaun governu nian balun envolve direita iha laran, haul abele temi sese maibe hau dehan deit katak ema ne’ebe mak lori ro ne’e seidauk tama mai TL iha ona Cap tama no sai nian ba nia pasaporte mos kaer husi kompania Timor-oan nian iha liman,” hateten Higinio ba jornalista sira iha Hera (28/10).

 Entertantu, Prezidenti sosiasaun Kompania Andre da Costa (L4) hatete, seidauk bele dehan ai teka ne’e illegal tanba hetan ona autorizasaun husi parte kompotente hodi bele lori tama ai ne’e mai Timor Leste.

 “Hau seidauk konsidera ne’e illegal tanba ami nuudar kompania hatene katak, ne’e legal ona mak tama mai iha ita nia rai, tanba selu ona iha parte imigrasaun, UPM, no alfandega nia maibe to’o ikus kaer mak dehan illegal ne’e sei iha investigasaun mak it abele hatene lolos se mak sala,” hateten L4.

Nu’udar Prezidenti asosiasaun, nia pronto ba hata’an iha Tribunal, tanba ai teka ne’e tama konsidera legal iha ona cap tama no sai nian.

Iha parte seluk, segundu komandante UPM Inspector Xefi Luis da Costa hatete, sira seidauk identifika nia membru ida involve iha kazu ne’e no la simu keixa ruma husi komunidade kona ba kazu ne’e. “Ami nia membru seidauk envolve iha kualker kazu illegal, tanba ami seidauk simu keixa ruma no hau rasik mos seidauk hetan faktus ruma kona ba ida ne’e,” dehan nia.

 Nia hatutan, kona bar o no ema nain lima ne’ebe mak intrega ona ba sira nia responsablidade sira sei halo investigasaun hodi bele prosesa ba iha parte servisu investigasaun kriminal nian mak prosesa fali ba iha Tribunal. Sidadaun Indonesia nian ne’ebe forsa naval kar mak hanesan, Asri Horon (29), Aimar Rola (31), Ulha (21), Asuanto (19), no kaptura Ro Pata Ally (34), sira nain lima oras ne’e iha ona UPM nia liman. Antes ne’e, Vise primeiru Ministru ‘La Sama’ fo ona atensaun ba parte alfandega atu bele labele manipula dokumentu selu taxa, tanba hahalok ne’e prejudika rendimentu estadu nian.
.

Sem comentários:

Publicar um comentário

Nota: só um membro deste blogue pode publicar um comentário.