quinta-feira, 10 de outubro de 2013

Estudante Timor Oho Malu Iha Indonesia “Nain 2 Mate Fatin”

.

Jornal Nacional Diario - Kinta-feira, 10 Outubru 2013 

Estudante Timor-oan nain rua (maun-alin) ida-idak ho naran, Ismenio Boy Algerio (24) no ubaldio (22), hetan atake (Keoyok) husi sira nia kolega Timor –oan seluuk, tanba ne’e implika Estudante nain rua ne’e ida mate kedas iha fatin no ida seluk la konsege salva nia vida wainhira evakua ba hospital. 

 Notisia ne’ebe publika iha situs, Detik.com, katak Estudante nain rua ne’e hetan attakke iha semalang Gang II Klampis Sukolilo, Surabaya, Indonesia. 

 “Vitima Estudante Universitariu husi Tiimor Leste, sira mate ho kanek todan iha isin lolon,” informa Autoridade Polisia Taufik Yulianto, sita husi detik.com, Kuarta (09/10). 

Yulianto haktuir, nia parte identifika ona estudante nain rua ne’e ida-idak, Ismenio Boy Algerio, estudante husi Universidade Narotama no Ubaldio, estudante Institutu Teknolojia Adhi Tama Surabaya (ITATS). Vida Ubaldio labele salva wainhira lori ba Hospital RSU Dr. Soetomo, entertantu Boy mate iha fatin akontesementu. 

 “Antes ne’e sira problema ho sira nia kolega sira, deskonfia sira nia kolega sira ne’e maka oho sira rua,” hateten Yulianto. Tuir informasaun husi estudante balun iha Surabaya, vitima maun alin nain rua ne’e, husi Distritu Viqueque, sira nain rua mate wainhira ema deskonesidu atake sira iha Kelurahan Klampis, Kecamatan Sukolilo, Surabaya, Jawa Timur, horseik dade-san (09/10). 

Tuir komunidade ida iha fatin akontesementu ne’e katak, Suspeitu ida ho naran A no konesidu ho hahalok at ba komunidade sira iha fatin refere. 

Feto oklista ne’ebe fo sai informasaun ne’e katak, vitima nain rua ne’e aluga (kos) uma hodi hela iha fatin refere no problema ne’e akontese iha vitima nia kos sorin no nia haree rasik ho matan katak, suspeitu mai foti kedas samurai naruk ida mak ta’a vitima nain rua ne’e. 

“Suspeitu mai foti ho samurai naruk ida,” nia dehan hodi sukat mos ho liman. Vitima nain rua ne’e Timor ona no diskonfia katak, suspeitu mos Timor-oan iha Surabaya, Indonesia. 

 Antes ne’e, estudante Timor oan sira oho malu iha Indonesia, ne’ebe deskonfia husi grupu arte marsiais, tanba ne’e, iha monetu ne’eba Estadu Timor Leste hasai rejoolusaun ida hodi taka totalmente aktividade grupu Arte-marsiais iha Timor Leste. 
.

Sem comentários:

Publicar um comentário

Nota: só um membro deste blogue pode publicar um comentário.