sábado, 19 de outubro de 2013

“Governu Kontra Lei Orsamentu Gestaun Finanseiru”

.

Jornal Nacional Diario - Sesta-feira, 18 Outubru 2013 

Membru Parlamentu Nasional (PN) konsidera Governu kontra Lei Orsamentu Gestaun Finanseiru (OGF), tanba tuir lolos iha loron 15 fulan ne’e nia laran Governu hatama ona Proposta Orsamentu Jeral Estadu (OJE) 2014 ba PN hodi deskute. 

“Governu mos hatama orsamentu tinan ne’e mai PN ne’e tarde tuir lei orsamentu Gestaun finanseira ne’e, kada tinan-tinan iha dia 15 de Outubru orsamentu tenki mai, maibe liu tiha ona dia 17 ona maibe la akontese, hau la hatene governu nia razaun saida mak OGE 2014 mai iha Parlamentu tarde, ami simu ona informasaun katak, fim de mes maibe tuir lei ne’e labele,” Deputada Florentina Smith nudar membru komisaun C ne’ebe trata ba asuntu Finanseiru publiku relata asuntu ne’e ba Jornalista sira iha PN Kinta (17/10). 

OJE ba tinan 2014 ne’e Governu aloka Biliaun U$1.5 hodi jere ba tinan ida, iha orsamentu ne’e Governu sujere prioridade boot liu mak iha fundu dezenvolvimentu hodi hadia hikas area infraestrutura. Deputada Bancada FRETILIN ne’e afirma, tinan ne’e Governu hatama OGE 2014 mai iha PN tarde ne’e seim ho razaun ne’ebe to’o ohin loron laiha esplikasaun mai PN ba kestaun refere. 

 Nia haktuir tan, Governu mak implementador ba OJE ne’ebe mak PN aprova, maibe Governu rasik hatama OJE 2014 mai PN tarde enatun ninia aprovasaun mos sei tarde, tanba ne’e husu atu iha tempu badak nia laran Governu hatama OJE 2014 mai PN lalais. 

 “Tuir lei ne’e Parlamentu aprova governu implementador hateten katak, tinan-tinan 15 de Outubru tenki ba hatama orsamentu atu nune’e halo diskusaun no parlamentu mos labele kontirbui ba atrazu, se hanesan ne’e ami mos kontribui ba atrazu mais ami sei foti ekstaun ne’e iha Parlamentu atu nune’e iha tinan oin mai bele hadia servisu governu nian no sujere katak diak liu mak tuir tmpu ne’ebe determina ona, atu nune’e Parlamentu mos bele iha tempu sufisiente hodi debate diak liu tan,” tenik Smith. 

 Entertantu, Vice Primeiru Ministru (V PM), Fernando La Sama de Araujo, rekonhese OJE 2014 hatama iha PN tarde, maibe nia dehan tarde tamba iha ona konkordansia atu hatama iha loron 20 fulan ne’e nia laran. 

 “Tuir lolos ami hatama proposta orsamentu ne’e iha loron 15 Outubru maibe ami halo ona konkordansia ne’ebe ami sei hatama iha loron 20 ou 21 Outubru ba iha Parlamentu Nasional,” afirma La Sama. 
.

Sem comentários:

Publicar um comentário

Nota: só um membro deste blogue pode publicar um comentário.