quarta-feira, 16 de outubro de 2013

Lembaran Cinta Redasaun JND Ba Oficial Media MS, Aderito Santa “Katar Iha Ulun, Koi Iha Kidun”

.

Jornal Nacional Diario -Kuarta-feira, 16 Outubru 2013

 “Katar Iha Ulun, Koi IHa Kidun” liafuan ne’e refleta tebes ba official media Ministru Saude (MS) Aderito Santa ne’ebe mak dun jornalista media Nasional, Jornal Diario Nacional (JND) Milisia nia oan, relasiona ho publikasaun JND iha loron, Segunda (14/10) iha parte pagina do Governu, iha parte Konese ita nia Governu, ne’ebe mosu erru kiik oan ida iha montajen foto ho naran, Foto tau Vice Vice Ministra Saude Natalia de Araujo, maibe naran tau fali Vice Ministra Saude Maria do Ceu da Costa, ne’e mosu, tuir regras laos sala husi JND tanba pagina do Governu ne’e responsavel SEKOMS nian. 

AS“Katar iha ulun, koi iha kidun” ho rajaun katak, ladivia AS protesta JND hodi fo lia fuan ‘MILISIA’ ba jornalista JND nian, tanba AS tenki kunsiente katak iha publikasuan ba pagina do Governu nudar responsablidade Governu nian, iha Sekretariu Estadu Komunikasaun Sosial (SEKOMS) nia okos ne’ebe JND rasik laiha direitu nein oituan atu halo editing ruma alias la tau knuru tohar.

Ho nune’e bainhira AS senti katak publikasaun ne’ebe mak nia kestiaona ne’e nuudar erru boot, laos JND mak tenki simu insulta ho titulu ‘MILISIA’ ironi liu tan, eru refere laos deit JND mak publika maibe kuaze jornal diario tomak, (STL, Timor Post, Independent no Diario Nacional), tomak ne’ebe mak eziste iha Timor laran publika hotu, tanba ne’e mak karik AS sente e konsidera JND milisia hotu iha kazu ne’e. Intensaun saida mak halo hodi AS fo liafuan ‘MILISIA’ ba JND, karik la gosta JND ka nusa???

Tamba bainhira ami (JND) konfirma ho redasaun jornal seluk ne’ebe mak publika mos material hanesan, resosta mai ami sira la hetan protesta ruma husi AS. Maibe, AS ho fiar an hodi foti telefone dere ba Xefe redasaun JND Aleixo Ximenes, iha segunda (14/10) tuku 09:45 otl, hodi hateten katak,”Ita boot nia Jornalista keta MILISIA nia oan karik, ne’e mak la konese nia membru governu.”

Estetmentu refere hatudu momos ofende dignidade Jornalista Diario Nacional, Exklusivamente e jeralmente jornalista Timor oan hotu ne’ebe konta mos AS hanesan eis Jornalista Suara Timor Lorosa’e (STL), ho eis Jornalista JND.

Ami (JND) husu atu AS toman responsablidade hodi hatudu mai iha redasaun JND nian, katak Jornalista JND ida ne’e mak “MILISIA” so nune’e deit mak AS nudar ema ne’ebe mak iha responsabldiade hodi nune’e la hamoe imazen Ministeriu saude nian.

Kuandu AS la fo justifikasaun ba kazu refere, hatudu momos katak, AS rasik laiha responsabldiade hodi halao nia knar nudar responsavel media iha Ministeriu Saude, futuru komunikasaun iha MS sai oins alos????.

Liafuna “MILISIA” baratu iha AS nia ibun, maibe karun tebes iha ambiente jornalista tanba ami (Jornalista) kumpriende katak, fraze “MILISIA” sensitive tebes, basa nia istoria iha ligasaun ho prosesu funu RDTL iha tinan garak nia laran. “MILISIA de sentidu grupo ne’ebe hahoris ho karakter kontra, hanesan istoria hatudu momos mai ita katak, wainhira Republika Indonesia Invade Timor Leste iha 1975 mosu grupu ida ne’ebe hanaran “MILISIA FRETILIN” hodi afirma nia pozisaun atu defende soberanu RDTL iha momentu neba.

 “Milisia ida tan mak mosu iha tinan 1999, ne’ebe forma husi Forca Tentara Indonesia (TNI) hanesan Milisia Aitarak, Milisia Besih Merah Putih, nsst, nebe lao misaun ida la aseita Timor Leste nia ukun rasik an e hakarak defende nafatin bandeira Merah Putih hamriik iha rai Timor.

 Sr. AS mak ami respeitu no hanai, pelo kontrariu kuandu ema ruma koalia ita boot ‘MILISIA’ ita nia sentimentu oinsa???

Se ita haree ba istoria ‘MILISIA’ iha tinan 1999??? Ami bele sik ita nia resposta mak fuan moras.
.

Sem comentários:

Publicar um comentário

Nota: só um membro deste blogue pode publicar um comentário.