quinta-feira, 10 de outubro de 2013

“Lere Identifika Ema Balun Hanoin Aat Ba Timor”

,

Jornal Independente - Kinta-feira, 10 Outubru 2013 

Timor-Leste nia ukun aan, sosa ho raan no ruin, maibe iha ema balun oras ne’e dadaun hakarak trai sakrifisiu boot ne’ebe uluk Timor-oan sira halo iha tempo rezistensia nia laran. 

Tanba ne’e, iha ema balun ne’ebe koko atu kria instabildiade iha nasaun ne’e hodi organiza grupu balun atu halo krime iiha ansaun ne’e. Komandante Jeral FALINTIL-Forsa Defesa Timor Leste (F-FDTL), Major jeneral Lere Anan Timur hateten, ema hotu-hotu halao nia kna’ar ba destinu nasaun nian, maibe iha ema balun ne’ebe la interese ba nasaun nia diak. 

“Uluk funu ne’e ita fahe ba grupu rua, balun hakarak hamutuk ho Indonesia no balun hakarak ukuun aan, maibe agora ne’e, grupu ida deit ona, mais mentalidade mak la hanesan, balun hakarak nasaun ne’e nia diak, balun la interese nasaun ne’e nia diak ka lae” tenik nia iha Palasiu prezidensial, Aitarak Laran Dili (9/10). 

 Tanba ne’e, nia sente preokupa tebes bainhira simu dokumentu balun ne’ebe identifika ema husi instiituisaun seguransa balun iha rai laran la koloka siira nia an hanesan seguransa nasaun nian. 

Nune’e, Lere mos preokupa tebes ba destinu nasaun nian, tanba iha nasaun balun hakarak Timor-leste sai estadu failadu, tanba lakohi buat sira ne’e akontese, entaun presiza evita. 

 Nia haktuir, maske nia funu maluk sira balun laiha ona maibe ba sira ne’ebe sei moris no goza nasaun ne’e presiiza fo valor ba sira, ne’e duni labele halo tun sae no manobra iha kotu-kotuk ba nasaun doben ne’e. 

 Maijen Lere mos hatutann, iha oron hirak liu ba nia propoin atu reforma membru PNTL eis POLRI sira tanba deskonfia envolve direta ba kazu krime ne’ebe akontese foin lalais ne’e. 

Agora ne’e presiza haree ba oin no tanba saa mak labele kritika sira ne’ebe la kumpri didiak sira nia misaun tantu politiku, military no seluk tan, ida-idak tenki kumpri didiak sira nia misaun hodi lori dezenvolvimentu nasaun TL ba oin. 

Xefe Estadu Maior Lere dehan, ba ema ne’ebe deit mak kritika no dehan katak, argument husi Lere nia ne’e la los, entaun sira konkorda atu destinu Timor nia sai aat. 

Tanba ne’e, nia dehan, hanesan komandante Forsa armada ninian, halao kna’ar atu serve deit nasaun e labele lori fali interese sira seluk. 

 Nia fo ezemplu, foin lalais haruk membru F-FDTL hatama atributu artemarsiais, atu nune’e servi deit instituisaun ida, laos serve organizasaun no instituisaun bar-barak.
,

Sem comentários:

Publicar um comentário

Nota: só um membro deste blogue pode publicar um comentário.