quarta-feira, 23 de outubro de 2013

"Livru Edukasaun Sivika Hamosu Polimika “Nicolau Lobato Latama Lista Prezidente RDTL"

.

Jornal Nacional Diario - Kuarta-feira, 23 Outubru 2013 

Livru Edukasaun Sivika Nebe Ministeriu Edukasaun (ME) ho organizasaun Naun Govermentais Timor Aid produz hamosu duvida ba professor sira tanba konsudera la relata faktus istoria Loloos Timor Leste nian. Livru titulu “Educacao Civica, 1.Edisaun 8. Ano de ensino Basico” la tau naran Nicolau Lobatu nian nuudar Prezidente Republika Demokratika Timor Leste (RDTL) hafoin Prezidenti Republika Demokratika Timor Leste (RDTL) hafoin Prezidenti Republika Francisco Xavier do Amaral. 

Livru Edukasaun Sivika nian iha pagina primeiru kapitulu primeiru konaba orgaun RDTL nian nebe iha numeru 1.1. Prezidneti Republika iha paragarafu segundu hakerek katak, “Timor Leste hahu husi tinan 1975 to’o agora hamutuk ema nain tolu mak sai Prezidenti Republika, primeiru, Senor Francisco Xavier do Amaral neebe sai prezidenti bainhira Timor Leste hala’o proklamasaun independensia unilateral iha loron 28, fulan Novembru, tinan 1975, segundu Prezidenti mak senor Jose Alexandre Gusmao (Kayrala Xanana Gusmao) nebe asumi kargu hanesan Prezidenti da Republika bainhira Timor Leste hetan transferensia poder husi ONU iha loron 20 fulan Maiu, tinan 2002, Xanana Gusmao hahu nia kna’ar husi tinan 2002 to’o 2007, Terseiru senor Jose Manuel Ramos Horta, ne’ebe hahu assume nia knaar nuudar Prezidenti husi tinan 2007 to’o 2012. 

Livru ne’e iha pagina 44 hamosu konfuzaun ba professor atu uza livru ne’e ba hanorin iha eskola sira, tanba Prezidente Nicolau Lobato la tama iha livru ne’e. 

Profesores sira hateten, maske Nicolau Lobato subtitui deit Prezidenti, Francisco Xavier do Amaral tenki hakerek iha livru ne’e atu nune’e esplika ba alunus sir abele kompriende, se lae difisil ba profesores atu esplika karik alunus sira husu Prezidenti Nicolau Lobato nian ne’e. 

 Naran Prezidenti Nicolau Lobato ohin loron estadu uza ba naran Aeroportu Internasional Nicolau Lobato no mos uza ba centro treinamentu F-FDTL Prezidenti Nicolau Lobato Metinaru. Livru ne’e mos Ministeriu Edukasaun ho ONG Timor Aid produz ne’e hakerek ho lian ofisial Timor Leste, portugues no TEtum. Ba polimika ne’e, Jornal Nacional Diario, Tersa (22/10) ba halo konfirmasaun Diretor Timor Aid maibe staff sira Timor Aid hateten Direktor laiha fatin tanba sei ba halo atividade iha same, Distritu Manufahi. 

 Iha oportunidade seluk, komandante FALINTIL Brigada Vermelha, Paulino Gama ‘Mauk Moruk” hatete Prezidenti Republika Primeiru, Francisco do Amaral nebe mos nudar proklamador, Segundu Prezidenti Republika Nicolau Lobato tuir tan mak Abilio Araujo, depois mak Xanana Gusmao, tuir Jose Ramos Horta no agora Prezidenti Republika Taur Matan Ruak. 

 “Hafoin mosu diferensia idea iha ailaran, nune’e Comite Central FRETILIN (CCF) dadur tiha primeiru Prezidenti RDTL, Francisco Xavier do Amaral, automatikamente Nicolau Lobato assume assume kedan nudar Prezidenti bad ala rua nia liu husi konferensia, tanba antes Nicolau Lobato Vice Prezidenti RDTL, estrutura mak PreZidenti Primeiru Francisco Xavier do Amaral, tuir Nicolau Lobato, tuir Abilio Araujo hafoin Xanana Gusmao,” dehan Mauk Moruk. 

Primeira komandante Vermelha iha tempu rezistensia, Mauk Moruk dehan tan Timor Leste labele nega Nicolau Lobato nia favor, tanba Nicolau nia esforsu mak FALINTIL iha. 

 “Nicolau Lobato, Xavier do Amaral ho SAHE nudar nebe merese prega titulu mestre do povu,” dehan Mauk Moruk wainhira komentariu ba livru ne’e. 

Livru ne’e mos la temi prezidenti Republika actual, Taur Matan Ruak tanba livru ne’e rasik produs iha tinan 2009. 
.

Sem comentários:

Publicar um comentário

Nota: só um membro deste blogue pode publicar um comentário.