segunda-feira, 7 de outubro de 2013

“Membru F-FDTL 175 Entrega Atributu Arte Marsiais”

.

Jornal Nacional Diario - Segunda-feira, 07 Outubru 2013 

Membru FALINTIL-Forca Defeza Timor-Leste (F-FDTL) hamutuk 175, Sesta (04/10), entrega volontariamente atributu Grupu Arte-Marsiais (GAM) nian ba Estadu atraves instituisaun F-FDTL. 

Husi total sira ne’ebe mak involve iha GAM Persaudaraan Setia Hati Terate (PSHT) hamutuk nain 62, KERA SAKTI nain 68 no Klibut Oan Rai Klaran (KORK) nain 45. 

Membru F-FDTL sira ne’e mai husi Coomponente hotu ne’ebe mak estabelese iha instituisaun F-FDTL kompostu husi Componente apoiu serviso (CAS), Komponente centro Formasauun no Treinu (CFT), Komponente Naval, Componente Trrestre no Kuartel general Fatuuhada, Dili. 

Antes ne’e Governu hasai tiha ona rezolusaun ida hodi taka totalmente aktividade GAM, nune’e governu bele haree ba dezenvolvimentu nasional, bainhira implementa rezolusaun ne’e, PNTL mos konsege kaer GAM balun ne’ebe attu ba halo graduasaun (Pengesahan) iha Kupang Indonesia. 

Husi Rezolusaun ne’e, iha membru GAM balun liu-liu sivil sira balun hatam tiha ona atributu ba Estadu. Nune’e, Xefe Estado Maior F-FDTL, Maijor General Lere Anan Timur hateten, antes ne’e Governu hasai tiha ona despaixu katak, taka atividades artemarsiais hotu, maibe instituisaun PNTL ho F-FDTL la presiza governu hasai despaixu, no displina no lei rasik bandu atu instituisaun rua ne’e involve iha politika ka organizasaun artemarsiais. 

Lere mos hatutan katak, realidade akontese katak, iiha membru F-FDTL no PNTL balun mak fasilita fali ema kriminozu no ema ne’ebe importa droga tama mai nasaun doben ida ne’e. 

Maijen Lere, ne’e mos husu ba F-FDTL sira atu dedika an tomak ba iha instituisaun, no fiar katak, F-FDTL mak hatudu hahalok diak, matenek, ikus mai sei sai diak hodi servisu ba nasaun ho professional. 
.

Sem comentários:

Publicar um comentário

Nota: só um membro deste blogue pode publicar um comentário.