segunda-feira, 7 de outubro de 2013

“PR Taur Husu Hatama Emprezariu Ba Kadeia”

.

Jornal Independente - Segunda-feira, 07 Outubru 2013 

Prezidente Republika (PR), Taur Matan Ruak, la kontente ho emprezariu balun nia servisu iha rai-laran, tanba projeitu barak halo laiha kualidade, ne’e duni, nia sujere atu emprejaru ne’ebe estraga osan estadu nian tenke hatama iha kadeia. 

Nia dehan, projeitu estadu nian hotu-hotu iha rai laran porsentu ualu nolu (80) laiha kualidade, ida ne’e sai nuudar sasukat ba emprejariu atu hadia aan. 

 Xefe Estadu dehan, durante ne’e Primeiru Ministru Xanana Gusmao laran diak tebes no hadomi tebes setor privadu, maski iha fallansu hanesan emprezariu Raul lemos ne’ebe halo falansu, maibe xanana sei hamaus hodi fo nafatin oportunidade. 

 “Hau la halimar!! Kuandu la los ba para hotu iha kadeia, maibe maun xanana koallia to’o tanis problema hotu ona,” tenik nia, iha Otel Timor, sesta (4/10). PR Taur mos kestiaona maka’as kona-ba setor produtivu, liu-liu agrikultur no peska, ne’ebe kada tinan TL importa kuaze tokon 40 tonelada foos husi rai liur, nune’e iha area peska kada tinan lakon ikan kuaze tokon ba tokon. 

 Taur Matan Ruak mos salienta liu tan katak, emprezariu sira iha kna’ar importante oinsa bele fo kontribuisaun ba dezenvolvimentu no ekonomia ne’ebe diak ba povu no nasaun, laos deit depende ba governu. 

 Nunne’e mos, PR husu ba seitor Privadu Nasional atu servisu hamutuk ho setor privadu internasional, hodi bele moderniza infraestrutura no atrai investidor iinternasional sira para investe barak liu tan iha Timor-Leste.
,

Sem comentários:

Publicar um comentário

Nota: só um membro deste blogue pode publicar um comentário.