sábado, 19 de outubro de 2013

“PR Taur Preokupa RH Iha Media TL”

.

Jornal Nacional Diario - Sesta-feira, 18 Outubru 2013

Prezidenti Republika (PR) Taur Matan Ruak, durante ne’e preokupa hela dezenvolvimentu media iha Timor-Leste liu-liu iha Rekursu Humanu (RH), maibe enkoraza nafatin jornalista iha Timor laran tomak atu nafatin iha kbiit, pasiensia no esforsu-an inklui mos kapasita-an para bele kontribui ba prosesu konstrusaun EStadu Timor Leste.

 Ho Problema Rekursu Humanu ne’e Xefe Estadu husu Asosiasaun Jornalista sira atu bele servisu hamutuk ho Governu liu husi Secretario Estadu Komunikasaun Sosial (SEKOMS) para bele fo kapasitasaun ba jornalista sira.

Nune’e, Sekretariu Estadu Komunikasaun Sosial Nelio Izak dehan katak, Prezidenti Republika mos fo hanoin ba jornalista sira katak, tenki haree ba futuru e labele hare ba ohin loron deit.

“Prezidenti fo hanoin ba jornalista sira katak, haree ba futuru labele haree ba oin, signifika katak hahu kedas kria kondisoens para futuru ne’e mai it abele hetan diak baa ban-bain rua, ida ne’e mak importante,” haktuir Nelio Izac.

Nia mos informa katak, Kongresu nasional ba Jornalista nebe halao durante loron tolu, iha loron 25-27 Outubru sei koalia kode etika jornalista nian inklui mos ba konsellu ba imprensa ne’ebe mak tuir lei define ona iha esbosu lei komunikasaun social ne’ebe hato’o ona ba Parlamentu Nasional. Kongresu ne’e mai husi Jornalista Timor oan ne’ebe mai husi Asosiasaun Jornalista sira iha Timor-Leste, nune’e liu husi kongresu ne’e jornalista sira bele desidi rasik futuru sira nia-an, deside rasik programa no hanoin ba Estadu Timor Leste ne’ebe profisaun hanesan Jornalista.
.

Sem comentários:

Publicar um comentário

Nota: só um membro deste blogue pode publicar um comentário.