terça-feira, 29 de outubro de 2013

“Universidade Labele Hanorin Lian Indonesia”

.

Jornal Independente - Tersa-feira, 29 Outubru 2013

Deputadu sira husi bancada FRETILIN husu ba Ministeriu Edukasaun atu halo revizaun ba kurikulu edukasaun ne’ebe iha, atu bele aplika obrigatoriu lian Portugues iha kada eskola, liu-liu Universidade sira. Iha konstituisaun RDTL hateten lian ofisial Timor Leste mak tetun no Portugues.

Deputadu husi Bancada FRETILIN, David Diaz Ximene dehan, ME presiza hare ona lian portugues atu hanorin ba kada eskola iha teritoriu TL.

 “Se karik bele hare ona lingua Portugues haree ona para hanorin obrigatoriu tanba ita haree ba soberanu no iha ne’e laos nasaun aneksadu ne’ebe konstituisaun tenki privalizadu tanba ita nia universidade sei hanorin nafatin lian Indonezia,” dehan nia iha PN (28/10).

Tuir nia, importante ME tenke reve fali kurikulu ne’ebe dadaun ne’e adopta atu hanorin Lingua Portugues hanesan lian Ofisial TL.

Iha fatin hanesan, Deputadu Francisco Branco husi Bancada FRETILIN hateten, importante duni ME avalia lalaok edukasuan iha TL tanba iha universidade balun kontinua hanorin lina Indonezia.

 “Hau hanoin katak Governu tenki seriu ona atu implementa lingua ofisial no lalika halimar ona ho lian ofisial tanba ita viola ona konstituisaun RDTL,” katak nia.
.

Sem comentários:

Publicar um comentário

Nota: só um membro deste blogue pode publicar um comentário.